കൊണ്ടോട്ടി:കരിപ്പൂർ വിമാനത്താവളത്തിൽ നിന്നും ദുബൈയിലേക്കുളള ഫ്ളൈ ദുബൈ വിമാന കമ്പനിയുടെ സർവീസുകൾക്ക് തുടക്കമായി.വെളളിയാഴ്ച് രാത്രി 8.20ന് ദുബൈയിൽ നിന്നും പുറപ്പെട്ട വിമാനം ശനിയാഴ്ച പുലർച്ചെ 1.45നാണ് കരിപ്പൂരിലെത്തിയത്.ആദ്യ വിമാനത്തെ വാട്ടർ സല്യൂട്ട് നൽകി സ്വീകരിച്ചു. ആദ്യവിമാനത്തിൽ 178 യാത്രക്കാരായിരുന്നു ഉണ്ടായിരുന്നത്.വിമാനം പിന്നീട് പുലർച്ചെ 3.05ന് ദുബൈയിലേക്ക് തന്നെ തിരിച്ച് പോയി. ചൊവ്വ,വ്യാഴം,ശനി ദിവസങ്ങളിലും കരിപ്പൂരിൽ നിന്ന് ദുബൈയിലേക്കും തിങ്കൾ, ബുധൻ, വെളളി ദിവസങ്ങളിൽ ദുബൈയിൽ നിന്ന് കരിപ്പൂരിലേക്കുമാണ് ഫ്ളൈ ദുബൈ വിമാന സർവീസ് ഷെഡ്യൂൾ ചെയ്തിരിക്കുന്നത്. കരിപ്പൂരിൽ നിന്നും ദുബൈയിലേക്ക് സർവീസ് നടത്തുന്ന അഞ്ചാമത്തെ വിമാനക്കമ്പനിയാണ് ഫ്ളൈ ദുബൈ.
ഈമാസം അഞ്ചുമുതൽ ജിദ്ദയിലേക്ക് സൗദി എയർലൈൻസിന്റെ രണ്ട് അധിക സർവ്വീസുകളും കരിപ്പൂരിൽ നിന്നും ആരംഭിക്കുന്നുണ്ട്.ചൊവ്വ,വ്യാഴം ദിവസങ്ങളിലായിരിക്കും ജിദ്ദയിലേക്ക് സൗദിയയുടെ അധിക സർവ്വീസ്. ഇതോടെ ജിദ്ദയിലേക്ക് സൗദിയയുടെ സർവീസ് ഏഴായി വർധിക്കും. നിലവിൽ ജിദ്ദയിലേക്ക് അഞ്ചും റിയാദിലേക്ക് രണ്ട് സർവ്വീസുകളുമാണുളളത്.