ചെർപ്പുളശേരി: പുത്തനാൽക്കൽ കാള വേലയോടനുബന്ധിച്ച് ഇന്ന് വൈകീട്ട് മൂന്നുമണി മുതൽ രാത്രി 12മണിവരെ ചെർപ്പുളശ്ശേരി നഗരത്തിൽ പൊലീസ് ഗതാഗത നിയന്ത്രണം ഏർപ്പെടുത്തി.

പെരിന്തൽമണ്ണ ,മണ്ണാർക്കാട്, പാലക്കാട് ഭാഗങ്ങളിൽ നിന്നു വരുന്ന ബസുകൾ കച്ചേരിക്കുന്നിൽ ആളുകളെ ഇറക്കി തിരിച്ച് പോകണം. പട്ടാമ്പി ഭാഗത്തു നിന്നും വരുന്ന ബസുകൾ മഞ്ചക്കൽ പെട്രോൾ പമ്പിന്റെ മുന്നിലും ഒറ്റപ്പാലം ഭാഗത്തു നിന്നും വരുന്ന ബസുകൾ കെ.പി.ഐ.പി. റോഡ് ജംക്ഷനിലും ആളെ ഇറക്കി തിരിച്ചു പോകണം.

പെരിന്തൽമണ്ണ ഭാഗത്തു നിന്നും, കച്ചേരിക്കുന്ന് ഭാഗത്തു നിന്നും പട്ടാമ്പി ഭാഗത്തേക്ക് പോകുന്ന ചെറിയ വാഹനങ്ങൾ കാറൽമണ്ണ എൽ.ഐ.സി. റോഡ് വഴി പ്രവേശിപ്പിച്ച് വെള്ളോട്ടുകുർശി വഴി പട്ടാമ്പി റോഡിൽ പ്രവേശിച്ച് പോകണം.

പട്ടാമ്പി ഭാഗത്തു നിന്നും, ഒറ്റപ്പാലം ഭാഗത്തേക്ക് പോകുന്ന ചെറിയ വാഹനങ്ങൾ മീത്തിപ്പറമ്പ് പള്ളിക്ക് മുൻവശത്തുള്ള റോഡിൽ കയറി സെക്രട്ടറിപ്പടി വഴി എലിയപ്പറ്റയിലൂടെ ഒറ്റപ്പാലം റോഡിൽ പ്രവേശിക്കണം.

പാലക്കാട് ഭാഗത്തു നിന്നും ,ഒറ്റപ്പാലം, ഭാഗത്തേക്ക് പോകുന്ന വാഹനങ്ങൾ മാങ്ങോട് നിന്നും വീരമംഗലം ,തൃക്കടീരി റോഡിൽ കൂടിയും ,പട്ടാമ്പി ഭാഗത്തേക്കു പോകുന്ന വാഹനങ്ങൾ ഇതേ റൂട്ടിൽ എലിയപ്പറ്റ വഴി ചളവറ റോഡിൽ കൂടി കൃഷ്ണപ്പടി വഴി പോകണം .
പട്ടാമ്പി, കൊപ്പം ,ഭാഗത്തു നിന്നും പാലക്കാട് ഭാഗത്തേക്ക് പോകുന്ന ചെറിയ വാഹനങ്ങൾ മഞ്ചക്കല്ലിൽ നിന്നും വെള്ളോട്ടുകുർശി എൽ.ഐ.സി.റോഡ് വഴി കാറൽമണ്ണയിലെത്തി പാലക്കാട്ടേക്ക് പോകണം.