തുമ്പമൺ: കമ്യൂണിറ്റി ഹെൽത്ത് സെന്ററിൽ രോഗികൾക്കായി തുമ്പമൺ പ്രവാസി അസോസിയേഷൻ (തുമ്പക്കുടം) ബഹറിൻ ചാപ്റ്റർ ഒരുക്കിയ കുടിവെള്ള വിതരണം ഗ്രാമ പഞ്ചായത്ത് പ്രസിഡന്റ്​ സഖറിയാ വർഗീസ് ഉദ്ഘാടനം ചെയ്തു. ബ്ലോക്ക്​ പഞ്ചായത്ത്​ ആരോഗ്യ സ്റ്റാൻഡിംഗ് കമ്മിറ്റി ചെയർമാൻ രേഖാ അനിൽ അദ്ധ്യക്ഷത വഹിച്ചു, പ്രവാസി അസോസിയേഷൻ മെമ്പർ ജോജി ജോണിനെ ബ്ലോക്ക്​ മെമ്പർ രഘു പെരുംപുളിക്കൽ ആദരിച്ചു. ബ്ലോക്ക്​ പഞ്ചായത്ത്​ അംഗം തോമസ് ടി. വർഗീസ്, വിലാസിനി, ഗ്രാമ പഞ്ചായത്ത്​ വൈസ് പ്രസിഡന്റ്​ അനിത മധു, എം.ടി.തോമസ്, രാജേഷ്​കുമാർ, മെഡിക്കൽ ഓഫീസർ ഡോ.ശ്രീലേഖ, മോനി ബാബു, റോസമ്മ വർഗീസ്, ഉമ്മൻ ചക്കാലയിൽ, ജോജി ജോൺ, ജോർജ് മാത്യു, പി.കെ. പ്രസാദ് എന്നിവർ സംസാരിച്ചു.