പ​ത്ത​നം​തി​ട്ട​:​ ​അ​യോ​ദ്ധ്യ​യും​ ​ശ​ബ​രി​മ​ല​യും​ ​ഒ​രു​പോ​ലെ​യാ​ണെ​ന്നും​ ​ര​ണ്ടും​ ​ഹി​ന്ദു​വി​ന്റെ​ ​ആ​ത്മാ​ഭി​മാ​നം​ ​ഉ​യ​ർ​ത്തി​യി​ട്ടു​ണ്ടെ​ന്നും​ ​ഉ​ത്ത​ർ​പ്ര​ദേ​ശ് ​മു​ഖ്യ​മ​ന്ത്രി​ ​യോ​ഗി​ ​ആ​ദി​ത്യ​നാ​ഥ് ​പ​റ​ഞ്ഞു.​ ​തി​രു​വ​ന​ന്ത​പു​രം,​ ​ആ​റ്റി​ങ്ങ​ൽ,​ ​കൊ​ല്ലം,​ ​പ​ത്ത​നം​തി​ട്ട​ ​പാ​ർ​ല​മെ​ന്റ് ​മ​ണ്ഡ​ല​ങ്ങ​ളി​ലെ​ ​ബി.​ജെ.​പി​ ​ശ​ക്തി​കേ​ന്ദ്ര​ ​പ്ര​വ​ർ​ത്ത​ക​രു​ടെ​ ​യോ​ഗം​ ​ഉ​ദ്ഘാ​ട​നം​ ​ചെ​യ്യു​ക​യാ​യി​രു​ന്നു​ ​അ​ദ്ദേ​ഹം. അ​യോ​ദ്ധ്യ​ ​പ്ര​ക്ഷോ​ഭം​ ​പോ​ലെ​ ​പ്ര​ധാ​ന​പ്പെ​ട്ട​ ​താ​ണ് ​ശ​ബ​രി​മ​ല​ ​പ്ര​ക്ഷോ​ഭ​മെ​ന്നും​ ​അ​ദ്ദേ​ഹം​ ​പ​റ​ഞ്ഞു.

നേരത്തെ പത്തനംതിട്ട ലോക്‌സ‌ഭാ മണ്ഡലത്തിലെ ബൂത്ത് പ്രവർത്തക കൺവെൻഷനും യോ​ഗി​ ​ആ​ദി​ത്യ​നാ​ഥ് ഉദ്ഘാടനം ചെയ്തിരുന്നു. ശബരിമലയെയും വിശ്വാസങ്ങളെയും തകർക്കുന്ന പിണറായി സർക്കാരിന് ലോക്‌സഭാ തിരഞ്ഞെടുപ്പിൽ ശക്തമായ തിരിച്ചടി നൽകണമെന്ന് യോഗി ആദിത്യനാഥ് പറഞ്ഞു.

ഉത്തർപ്രദേശിലെ കുംഭമേളയ്‌ക്കെത്തുന്ന 21 കോടി ഭക്തർക്ക് വേണ്ട എല്ലാ സൗകര്യവും മോദി സർക്കാരിന്റെ സഹായത്തോടെ ചെയ്തുകൊടുക്കുന്നു. അയ്യപ്പന്റെ ജന്മസ്ഥലമായ ശബരിമലയെയും വിശ്വാസത്തെയും സുപ്രീംകാേടതി വിധിയുടെ മറവിൽ ഇല്ലാതാക്കാനാണ് പിണറായി സർക്കാർ ശ്രമിക്കുന്നത്.

മോദി സർക്കാരിന്റെ ഭരണം രാജ്യത്തിന്റെ ആത്മാഭിമാനം ഉയർത്തി. രാജ്യം തകരണമെന്നും അഴിമതിയും ഭീകരവാദവും വളരണമെന്നും ആഗ്രഹിക്കുന്നവർ മോദിക്കെതിരെ ഒന്നിച്ചിരിക്കുകയാണ്. മോദി വീണ്ടും അധികാരത്തിൽ വരുമെന്നും അദ്ദേഹം പറഞ്ഞു.

ശബരിമല ക്ഷേത്രത്തിന്റെ മാതൃക ബി.ജെ.പി സംസ്ഥാന പ്രസിഡന്റ് പി.എസ്. ശ്രീധരൻപിള്ളയും ജില്ലാ പ്രസിഡന്റ് അശോകൻ കുളനടയും ചേർന്ന് യോഗി ആദിത്യനാഥിന് സമ്മാനിച്ചു. സംസ്ഥാന ജനറൽ സെക്രട്ടറി ശോഭാ സുരേന്ദ്രൻ അദ്ധ്യക്ഷത വഹിച്ചു. ജനറൽ സെക്രട്ടറി എം.ടി. രമേശ്, സെക്രട്ടറി സി. ശിവൻകുട്ടി, സംസ്ഥാന സമിതിയംഗം ടി.ആർ. അജിത്കുമാർ, കോട്ടയം ജില്ലാ പ്രസിഡന്റ് എൻ. ഹരി തുടങ്ങിയവർ പങ്കെടുത്തു.