പ​ത്ത​നാ​പു​രം: കു​രി​യോ​ട്ടു​മ​ല കു​ടി​വെ​ള്ള പ​ദ്ധ​തി​യു​ടെ പൈ​പ്പു​പൊ​ട്ടി ജ​ലം പാ​ഴാ​കു​ന്ന​ത് പ​തി​വാ​കു​ന്നു.

പ​ദ്ധ​തി​യു​ടെ ഭാഗമായി പ​ത്ത​നാ​പു​രം ക​ല്ലും​ക​ട​വ് പ​ഴ​യ​പാ​ല​ത്തിൽ സ്ഥാ​പി​ച്ച പൈ​പ്പാ​ണ് തു​ടർ​ച്ച​യാ​യി പൊ​ട്ടു​ന്ന​ത്. ഞാ​യ​റാ​ഴ്​ച്ച മു​തൽ പൈ​പ്പിൽ നിന്നുള്ള ജലം ചോർന്ന് ക​ല്ലും​ക​ട​വ് തോ​ട്ടി​ലേ​ക്കാണ് ഒഴുകുന്നത്. ചൊവ്വാഴ്ച ഉച്ചയോടെ പൈപ്പിലെ വിള്ളൽ വലുതാകുകയും മീറ്ററുകളോളം ഉയരത്തിൽ വെള്ളം ചീറ്റിയൊഴുകാനും തുടങ്ങി. ഇത്തരത്തിൽ മണിക്കൂറുകളോളം വെള്ളം പാഴായിട്ടും സന്ധ്യയോടെയാണ് അധികൃതരെത്തി താത്കാലികമായെങ്കിലും അറ്റകുറ്റപ്പണികൾ നടത്തിയത്.

പ​ത്ത​നാ​പു​രം, പി​റ​വ​ന്തൂർ പ​ഞ്ചാ​യ​ത്തു​ക​ളി​ലെ കു​ടി​വെ​ള്ള​ക്ഷാ​മം പ​രി​ഹ​രി​ക്കു​ക എ​ന്ന ല​ക്ഷ്യ​ത്തോ​ടെയാണ് കു​രി​യോ​ട്ടു​മ​ല കു​ടി​വെ​ള്ള പ​ദ്ധ​തി ആരംഭിച്ചത്. പ​ത്ത​നാ​പു​രം പ​ഞ്ചാ​യ​ത്തി​ലു​ള്ള ഗാർ​ഹി​ക ഉ​പ​ഭോ​ക്താ​ക്കൾ​ക്ക് പ​ത്ത​നാ​പു​രം ഗ​വ.ആ​ശു​പ​ത്രി​ക്ക് സ​മീ​പ​മു​ള്ള ടാ​ങ്കിൽ എ​ത്തി​ച്ച ശേ​ഷ​മാ​ണ് ജലവിതരണം നടത്തുന്നത്.

രാ​വി​ലെ ആ​രം​ഭി​ക്കു​ന്ന പ​മ്പിം​ഗ് വൈ​കി​ട്ട് അ​ഞ്ച് മ​ണി​യോ​ടെ മാ​ത്ര​മാ​ണ് അ​വ​സാ​നി​ക്കു​ക.ക​ല്ല​ട​യാ​റ്റിൽ നി​ന്നു​ള്ള ജ​ലം കു​രി​യോ​ട്ടു​മ​ല​യി​ലു​ള്ള പ്ലാന്റിൽ എ​ത്തി​ച്ച് ശു​ദ്ധീ​ക​രി​ച്ച ശേ​ഷ​മാ​ണ് വി​ത​ര​ണം ചെ​യ്യു​ന്ന​ത്. ഇതാണ് പൈപ്പുപൊട്ടൽ കാരണം അടിക്കടി മുടങ്ങുന്നത്. വെ​ള്ളം ശ​ക്ത​മാ​യി ഒ​ഴു​കി​യ​തി​നാൽ പ​ഴ​യ​പാ​ല​ത്തി​ന്റെ ഒ​രു ഭാ​ഗ​ത്തെ മൺ​ഭി​ത്തി​യും ഇ​ടി​ഞ്ഞുതാ​ണി​ട്ടു​ണ്ട്.