കൊ​ട്ടി​യം: പ്ര​ഭാ​ത​സ​വാ​രി​ക്കി​റ​ങ്ങി​യ 29കാ​രി​യെ ക​ട​ന്നു​പി​ടി​ച്ച ശേ​ഷം ഒ​ളി​വിൽ​പ്പോ​യ യു​വാ​വ് അ​റ​സ്റ്റി​ൽ. ഇ​ര​വി​പു​രം ക​യ്യാ​ല​യ്​ക്കൽ വ​യ​ലിൽ പു​ത്തൻ​വീ​ട്ടിൽ ഷാ​ജ​ഹാനാണ് (34) ഇ​ര​വി​പു​രം പൊലീ​സി​ന്റെ പി​ടി​യി​ലാ​യ​ത്. ഒ​ന്ന​ര മാ​സം മു​മ്പ് ഇ​ര​വി​പു​രം ആ​ദി​ക്കാ​ട് റെ​യിൽ​വേ ​ഗേ​റ്റി​നു സ​മീ​പ​മാണ് ബൈ​ക്കി​ലെ​ത്തി​യ ഷാ​ജ​ഹാൻ യുവതിയെ ക​ടന്നു പിടിച്ചത്. യുവതി ഇ​യാ​ളു​ടെ ചി​ത്രം മൊ​ബൈ​ലിൽ പ​കർ​ത്താൻ ശ്ര​മിക്കവേ വാ​ഹ​നം കൊ​ണ്ട് ഇ​വ​രെ ഇ​ടി​ച്ചു വീ​ഴ്​ത്തി​യ ശേ​ഷം ഇ​യാൾ കടന്നു കളഞ്ഞു. യുവതി നൽ​കി​യ പ​രാ​തി​യി​ലെ സൂ​ച​ന​കൾ വ​ച്ചാണ് ആ​ല​ങ്കോ​ട്ടെ സ​ഹോ​ദ​രി​യു​ടെ വീ​ട്ടിൽ നി​ന്ന് ഇ​ര​വി​പു​രം പൊലീ​സ് പ്ര​തി​യെ പി​ടി​കൂ​ടി​യ​ത്. പ്ര​ഭാ​ത​സ​വാ​രി​ക്കി​റ​ങ്ങു​ന്ന സ്​ത്രീ​ക​ളെ ഇ​തി​നു മുമ്പും വി​വി​ധ സ്ഥ​ല​ങ്ങ​ളിൽ വച്ച് ഇയാൾ കൈയേ​റ്റം ചെ​യ്യാൻ ശ്ര​മി​ച്ചിട്ടുണ്ട്. ഇ​വ​രാ​രും പൊ​ലീ​സിൽ പ​രാ​തി നൽ​കാത്തതാ​ണ് ഇ​യാൾ​ക്ക് തു​ണ​യാ​യ​ത്. യുവതിയെ അ​പ​മാ​നി​ച്ച​തി​നും വ​ധ​ശ്ര​മ​ത്തി​നു​മാ​ണ് ഇ​യാൾ​ക്കെ​തി​രെ കേ​സെ​ടു​ത്തി​രി​ക്കു​ന്ന​ത്. എ​സ്.ഐ​മാ​രാ​യ എ​സ്. ശ്രീ​കു​മാർ, എ​സ്. അ​നീ​ഷ്, സി.പി.ഒമാ​രാ​യ സ​ജി​ത്ത്, ശി​വ​കു​മാർ എ​ന്നി​വർ ഉൾ​പ്പെ​ട്ട പൊ​ലീ​സ് സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്.