കൊല്ലം: ചാരുംമൂട്ടിൽ കെ.എസ്.ആർ.ടി.സി ബസും ബൈക്കും കൂട്ടിയിടിച്ച് കിളികൊല്ലൂർ ഷാലോമിൽ ജോൺ ഈശോയുടെ മകൻ ഹാരിഷ് ജോൺ (21) മരിച്ചു. ഇന്നലെ വെളുപ്പിന് ചാരുംമൂട് - ഭരണിക്കാവ് റോഡിൽ ചാരുംമൂടിന് സമീപത്തായിരുന്നു അപകടം. മാവേലിക്കര ഭാഗത്തേക്ക് പോവുകയായിരുന്ന ഹാരിഷിന്റെ ബൈക്കിൽ എതിർദിശയിൽ വന്ന കെ.എസ്.ആർ.ടി.സി ബസ് ഇടിക്കുകയായിരുന്നു. റോഡിലേക്ക് തെറിച്ചുവീണ് സാരമായി പരിക്കേറ്റ ഹാരിഷിനെ കറ്റാനത്തെ സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാനായില്ല. സംസ്കാരം ഇന്ന് വൈകിട്ട് 4.30ന് കടപ്പാക്കട സി.എസ്.ഐ പള്ളി സെമിത്തേരിയിൽ. മാതാവ്: ഷാലു ജോൺ. സഹോദരങ്ങൾ: ആഷിഷ് ജോൺ, നോയൽ ജോൺ.