തൊടിയൂർ: മാ​ലു​മേൽ​ ദേ​വീ​ക്ഷേ​ത്ര​വും മാലു​മേ​ൽ ഇ​ഷ്ടി​കയുമാണ് ക​രു​നാ​ഗ​പ്പ​ള്ളി താ​ലൂ​ക്കി​നെയും മാ​ലു​മേൽ പ്ര​ദേ​ശ​ത്തെയും ഇ​ത​ര ദേ​ശ​ക്കാർ​ക്ക് സു​പ​രി​ചി​ത​മാ​ക്കുന്നത്. ക്ഷേ​ത്ര​ത്തി​ന്റെ പ്ര​ശ​സ്​തി പ്രാ​ദേ​ശി​കാ​തിർ​ത്തി​കൾ​ക്ക​പ്പു​റ​ത്തേ​യ്ക്ക് വർദ്ധിക്കുമ്പോഴും മാ​ലു​മേൽ ഇഷ്ടിക വി​സ്​മൃ​തി​യി​ലേയ്​ക്ക് കൂപ്പ് കുത്തുകയാണ്. ഇ​ഷ്ടി​ക നിർ​മ്മാ​ണം യ​ന്ത്ര​വ​ത്​ക​രി​ക്ക​പ്പെ​ട്ട​തോ​ടെയാണ് മാ​ലുമേൽ പ്ര​ദേ​ശ​ത്തെ പഴയ 40​ൽ​പ്പ​രം ഇ​ഷ്ടി​കക്ക​മ്പനി​കൾ പ്രതിസന്ധിയിലായത്. ഓ​ണാ​ട്ട്​ക​ര പ്ര​ദേ​ശ​ത്തെ ഭ​വ​ന നിർ​മ്മാ​ണ​ത്തി​ന് വ്യാ​പ​ക​മാ​യി ഉ​പ​യോ​ഗി​ക്ക​പ്പെ​ട്ടി​രു​ന്നത് മാലുമേൽ ഇഷ്ടികയാണ്. ഈ വ്യ​വ​സാ​യവുമായി ബന്ധപ്പെട്ട് ധാ​രാ​ളം തൊ​ഴി​ലാ​ളി​കൾ ഇ​വി​ടെ പ​ണി ചെ​യ്​തിരുന്നു. മാ​ലുമേൽ പ്ര​ദേ​ശ​ത്ത് മാ​ത്രം 40​ൽ​പ്പ​രം ഇ​ഷ്ടി​കച്ചൂ​ള​ക​ളാ​ണ് പ്ര​വർ​ത്തി​ച്ചി​രു​ന്ന​ത്​. ഓ​രോ ചൂ​ള​യി​ലും 30 മു​തൽ 40 വ​രെ തൊ​ഴി​ലാ​ളി​കൾ ജോ​ലി ചെ​യ്​തി​രു​ന്നു. ഈ വ്യവസായവുമായി ബന്ധപ്പെട്ട് ചെ​ളി​കു​ത്ത് തൊ​ഴി​ലാ​ളി​കൾ, വ​ള്ള​ത്തൊ​ഴി​ലാ​ളി​കൾ, ലോ​റി തൊ​ഴി​ലാ​ളി​കൾ തുടങ്ങിയവരും സജീവമായിരുന്നു.

ആ​ദ്യ​കാ​ല​ങ്ങ​ളിൽ കാ​ള​വ​ണ്ടി​യി​ലും വ​ള്ള​ങ്ങ​ളി​ലും ക​യ​റ്റി​യാ​ണ് മാ​ലു​മേൽ​ ഇ​ഷ്ടി​ക ക​രു​നാ​ഗ​പ്പ​ള്ളി​യു​ടെ തീ​ര​ദേ​ശ ഗ്രാ​മ​ങ്ങ​ളാ​യ പൊ​ന്മ​ന, വെ​ള്ള​നാ​തു​രു​ത്ത്, പ​ണ്ടാ​ര തു​രു​ത്ത്, ചെ​റി​യ​ഴീ​ക്കൽ, അ​ഴീ​ക്കൽ എ​ന്നി​വി​ട​ങ്ങ​ളി​ലും കാർ​ത്തി​ക​പ്പ​ള്ളി താ​ലൂ​ക്കി​ലെ ആ​റാ​ട്ടു​പു​ഴ തൃ​ക്കു​ന്ന​പ്പു​ഴ തു​ട​ങ്ങി​യ സ്ഥ​ല​ങ്ങ​ളി​ലും എത്തിച്ചിരുന്നത്. ഓ​ല​പ്പു​ര​ക​ളാ​യി​രു​ന്നു അ​ക്കാ​ല​ത്ത് ഏ​റെ​യും. സാ​മ്പ​ത്തി​ക സ്ഥി​തി മെ​ച്ച​മാ​യി​ട്ടു​ള്ള​വർ​ക്കേ ഇ​ഷ്ടി​ക കൊ​ണ്ടു​ള്ള വീ​ടു നിർ​മ്മി​ക്കാൻ ക​ഴി​യു​മാ​യി​രു​ന്നു​ള്ളൂ. സാ​മ്പ​ത്തി​ക ശേ​ഷി കു​റ​ഞ്ഞ​വർ 'വാ​ട്ട​ക്ക​ട്ട' കെ​ട്ടി​യാ​ണ് വീ​ട് പ​ണി​ഞ്ഞി​രു​ന്ന​ത്. ഇ​ഷ്ടി​ക ചു​ട്ടെ​ടു​ക്കു​മ്പോൾ പൂർ​ണ​മാ​യി വേ​വാ​തെ വ​രു​ന്ന ഇ​ഷ്ടി​ക​ക​ളാ​ണ് വാ​ട്ട​ക്ക​ട്ട​കൾ എ​ന്ന​റി​യ​പ്പെ​ടു​ന്ന​ത്. ഇ​ത് കു​റ​ഞ്ഞ വി​ല​യ്​ക്കാ​ണ് വി​റ്റി​രു​ന്ന​ത്​.

നഷ്ടം സഹിച്ചും ഇ​ഷ്ടി​ക

വ്യ​വ​സാ​യം നടത്തുന്ന സ​ലീം

പഴയ രീതിയിലുള്ള മാ​ലു​മേൽ​ ഇ​ഷ്ടി​ക വ്യ​വ​സാ​യം ഇപ്പോഴും നടത്തുന്ന വ്യക്തിയാണ് മാലു​മേൽ ക​ട​വിൽ​ വീ​ട്ടിൽ ​സ​ലീം. ഇ​ദ്ദേ​ഹ​ത്തി​ന്റെ പി​താ​വ് അ​ഹ​മ്മ​ദ് കു​ഞ്ഞി​ന്റെ കാ​ലം മു​തൽ ന​ട​ത്തി​വ​ന്ന ഇ​ഷ്ടി​ക വ്യ​വ​സായത്തിൽ മ​ക്കൾ ആ​റു പേ​രും പി​ന്നീ​ട് സ​ജീ​വ​മാ​യി. എ​ന്നാൽ ഇ​പ്പോൾ സ​ലീമും സ​ഹോ​ദ​രൻ ഹാ​രിസും മാ​ത്ര​മേ രം​ഗ​ത്തു​ള്ളൂ. ഉത്​പാ​ദി​പ്പി​ക്കു​ന്ന ഇ​ഷ്ടി​ക ഇ​പ്പോൾ വി​റ്റു പോ​കു​ന്നി​ല്ലെ​ന്ന് സ​ലീം പ​റ​യു​ന്നു. പ്ര​വർ​ത്ത​ന​ത്തി​ലു​ള്ള 10 ക​മ്പ​നി​ക​ളി​ലെ​യും സ്ഥി​തി ഇ​തു​ത​ന്നെ.
ചു​ടു​ക​ട്ട​യു​ടെ സ്ഥാ​നം കോൺ​ക്രീ​റ്റ് ക​ട്ട​കൾ കൈ​യ​ട​ക്കി​യ​താ​ണ​ത്രെ ഇ​തി​ന് കാ​ര​ണം. ന​ല്ല ക​ട്ട ഉ​ത്പാ​ദി​പ്പി​ച്ച് ന്യാ​യവി​ല​യ്​ക്ക് വി​റ്റാൽ ഈ വ്യ​വ​സാ​യ​ത്തി​ന്​ ഇനിയും ഭാ​വി​യു​ണ്ടെ​ന്നാ​ണ് സലീം ക​രു​തു​ന്ന​ത്. അ​സം​സ്​കൃ​​ത
വ​സ്​തു​ക്കൾ ല​ഭി​ക്കു​ന്ന​തി​നു​ണ്ടാ​യ ത​ട​സ​മാ​ണ് ഈ
വ്യ​വ​സാ​യ​ത്തെ ത​കർ​ച്ച​യി​ലേ​ക്ക് ന​യി​ച്ച​ത്. താ​ര​ത​മ്യേ​നെ കു​റ​ഞ്ഞ​കൂ​ലി അ​ന്യ​സം​സ്ഥാ​ന തൊ​ഴി​ലാ​ളി​കൾ ഉൾപ്പടെയുള്ളവരെ ഈ മേ​ഖ​ല​യിൽ നി​ന്ന​ക​റ്റി​.

മാലുമേൽ ക​ട്ട നിർമ്മാണം

മാ​ലുമേൽ പ്ര​ദേ​ശ​ത്തി​ന്റെ ഓ​രം ചേർ​ന്നൊ​ഴു​കു​ന്ന പ​ള്ളി​ക്കലാ​റ്റിൽ നി​ന്നും ആ​റി​ന്റെ വ​ശ​ങ്ങ​ളി​ലെ നി​ല​ങ്ങ​ളിൽ നി​ന്നും കു​ഴി​ച്ചെ​ടു​ക്കു​ന്ന ചെ​ളി​യും ഒ​രു നി​ശ്ചി​ത അ​ള​വിൽ പൂ​ഴി​മ​ണ്ണും കൂ​ട്ടി ക​ലർ​ത്തി​യാ​ണ് മാലുമേൽ ക​ട്ട നിർമ്മിച്ചി​രു​ന്ന​ത്. ചെ​ളി​യും മ​ണ്ണും കൂ​ട്ടിക്ക​ലർ​ത്തി വെ​ള്ളം ചേർ​ത്ത് ച​വി​ട്ടി​ക്കു​ഴ​ച്ച് കൂ​ന​ക​ളാ​ക്കും. ഇത് മ​രം കൊ​ണ്ടു നിർ​മ്മി​ച്ച അ​ച്ചി​നു​ള്ളിൽ കൈ കൊ​ണ്ട് വാ​രി നി​റയ്ക്കും. തുടർന്ന് അ​ച്ചി​നു​ള്ളി​ലെ ക​ട്ട വേർ​പെ​ടു​ത്തി ഉ​ണ​ങ്ങാൻ
വ​യ്​ക്കും. ഒ​രാ​ഴ്​ച​യോ​ളം വെ​യി​ലിൽ ഉ​ണ​ക്കി​യ ക​ട്ട പി​ന്നീ​ട് ശാ​സ്​ത്രീ​യ​മാ​യ രീ​തി​യിൽ ചൂ​ള​യിൽ അ​ടു​ക്കും. ചൂ​ള​യു​ടെ നാ​ലു വ​ശ​ങ്ങ​ളി​ലായുള്ള അടുപ്പുകളിൽ വിറ​ക് ക​ത്തി​ച്ച് ഇ​ഷ്ടി​ക വേ​വി​ക്കും. മുൻ​കൂർ പ​ണം നൽ​കി ഇ​ഷ്ടി​ക​യ്​ക്ക് കാ​ത്തി​രു​ന്ന​വർ മുമ്പ് ധാ​രാ​ളമുണ്ടായിരുന്നു.