ചാവക്കാട്: വിവാഹച്ചടങ്ങിൽ പങ്കെടുക്കാനെത്തിയവരുടെ സ്വാർണ്ണാഭരങ്ങളുടെ നിറം മാറി. പാലപ്പെട്ടി പുതിയിരുത്തി പടിഞ്ഞാറ് മേത്തി ഹനീഫയുടെ മകളുടെ വിവാഹത്തിൽ പങ്കെടുക്കാനെത്തിയ ചിലരുടെ സ്വർണാഭരണങ്ങളാണ് മഞ്ഞ നിറത്തിൽ നിന്ന് വെള്ളിനിറത്തിലേക്ക് മാറിയത്.

ഹനീഫയുടെ വീട്ടിലെ പഴയ സ്വർണാഭരണങ്ങളിലെ നിറവ്യത്യാസം ശ്രദ്ധയിൽപ്പെട്ടെങ്കിലും അത് കാര്യമാക്കിയില്ല. എന്നാൽ വൈകിട്ടോടെ വിവാഹത്തിനെത്തിയവരിൽ ചിലരുടെ സ്വർണാഭരണങ്ങളും വെള്ളിയുടെ നിറത്തിലേക്ക് മാറിയതോടെയാണ് അമ്പരപ്പിലായത്. കടൽത്തീരത്തോട് ചേർന്നാണ് ഹനീഫയുടെ വീട്. രാസപ്രവർത്തനത്തിന്റെ ഭാഗമാകാം സ്വർണാഭരണങ്ങളുടെ നിറവ്യത്യാസത്തിനു കാരണമെന്ന് പറയപ്പെടുന്നു.

സംഭവത്തിൽ എന്ത് ചെയ്യണമെന്നറിയാതെ കുഴങ്ങുകയാണ് ഹനീഫയും കുടുംബവും. ചാവക്കാട്, പൊന്നാനി തുടങ്ങി വ്യത്യസ്ത മേഖലയിലെ പ്രമുഖ ജ്വല്ലറികളിലെ ആഭരണങ്ങളും നിറം മാറ്റം സംഭവിച്ചവയിൽ പെടും. എന്നാൽ ജ്വല്ലറികളിൽ ആരും പരാതിയുമായി ഇതുവരെ എത്തിയിട്ടില്ല.