തിരുവനന്തപുരം: സി.പി.എം സംസ്ഥാന കൺട്രോൾ കമ്മിഷൻ ചെയർമാനായി എം വിജയകുമാറിനെ തിരഞ്ഞെടുത്തു. ഇന്നലെ കെ.കെ. ലതികയുടെ അദ്ധ്യക്ഷതയിൽ ചേർന്ന പുനഃസംഘടിപ്പിച്ച കമ്മിഷന്റെ ആദ്യയോഗമാണ് തീരുമാനമെടുത്തത്.

കഴിഞ്ഞ സംസ്ഥാനകമ്മിറ്റി യോഗത്തിലാണ് കൺട്രോൾ കമ്മിഷൻ പുനഃസംഘടിപ്പിക്കാൻ തീരുമാനിച്ചത്. വിജയകുമാറിന് പുറമേ ഗുരുവായൂർ എം.എൽ.എ കെ.വി. അബ്ദുൾഖാദർ,​ പനോളി വത്സൻ എന്നിവരാണ് കമ്മിഷനിൽ പുതുതായെത്തിയത്. ചെയർമാനായിരുന്ന ടി. കൃഷ്ണൻ നേരത്തേ ഒഴിവായിരുന്നു. തൃശൂർ ജില്ലാ സെക്രട്ടറിയായി നിയമിതനായ എം.എം. വർഗീസ്,​ അന്തരിച്ച ഇ. കാസിം എന്നിവരുടെ ഒഴിവുകളുമുണ്ടായി. ഇതിലേക്കാണ് പുതിയ അംഗങ്ങളെ ഉൾപ്പെടുത്തിയത്.