തിരുവനന്തപുരം: ഡിജിറ്റൽ ഗ്ളോബലൈസേഷനിലൂടെ ലോക സാമ്പത്തിക നിലവാരം മെച്ചപ്പെടുത്താൻ ഏപ്രിൽ 8 മുതൽ 10 വരെ ദുബായിൽ നടക്കുന്ന ആന്വൽ ഇൻവെസ്റ്റ്മെന്റ് മീറ്റിംഗ് (എ.ഐ.എം) പ്രതിനിധിയായി കേരള ചേംബർ ഒഫ് കോമേഴ്സ് ആൻഡ് ഇൻസ്ട്രി സംസ്ഥാന ചെയർമാൻ ഡോ. ബിജുരമേശിനെ യു.എ.ഇ സർക്കാർ ഔദ്യോഗികമായി ക്ഷണിച്ചു. 143 രാജ്യങ്ങളിൽ നിന്നുള്ള സ്വകാര്യ - പൊതുമേഖലാ സ്ഥാപനങ്ങളുടെ പ്രതിനിധികളും നൂറിൽപ്പരം ഉന്നത ശ്രേണിയിലുള്ള വിശിഷ്ടവ്യക്തികളും പങ്കെടുക്കുന്ന സമ്മേളനം മാപ്പിംഗ് ദി ഫ്യൂച്ചർ ഒഫ് ഫണ്ട് ഫോറിൻ ഡയറക്ടറേറ്റ് ഇൻവെസ്റ്റ്മെന്റിനുള്ള മാർഗരേഖ തയ്യാറാക്കും. യു.എ.ഇ വൈസ് പ്രസിഡന്റും ദുബായ് ഭരണാധികാരിയും പ്രധാനമന്ത്രിയുമായ ഹിസ് ഹൈനസ് ഷേക്ക് മുഹമ്മദ്ബിൻ റഷീദ് അൽമുക്തത്തിന്റെ ക്ഷണപ്രകാരമാണ് ഡോ. ബിജുരമേശ് പങ്കെടുക്കുന്നത്.