മു​ച്ചി​ലോ​ട്ട് ​പെ​രു​ങ്ക​ളി​യാ​ട്ടം​ ​സം​ഘാ​ട​ക​സ​മി​തി​ ​രൂ​പീ​ക​ര​ണ​യോ​ഗ​ത്തി​ൽ​ ​പ​ങ്കെ​ടു​ത്ത് ​രാ​ത്രി​ ​ബൈ​ക്കി​ൽ​ ​വീ​ടു​ക​ളി​ലേ​ക്കു​ ​മ​ട​ങ്ങി​യ​ ​പ​ത്തൊ​ൻ​പ​തും​ ​ഇ​രു​പ​ത്തി​നാ​ലും​ ​വ​യ​സു​ള്ള​ ​ര​ണ്ട് ​ചെ​റു​പ്പ​ക്കാ​രെ​ ​വെ​ട്ടി​യും​ ​കു​ത്തി​യും​ ​കൊ​ല​പ്പെ​ടു​ത്തി​യ​ ​നി​ഷ്ഠൂ​ര​ ​സം​ഭ​വ​ത്തി​ന് ​സാ​ക്ഷി​ക​ളാ​രു​മി​ല്ല.​ ​ഇ​രു​ട്ടി​ൽ​ ​ഒ​ഴി​ഞ്ഞ​ ​നാ​ട്ടു​പാ​ത​യി​ൽ​ ​ന​ട​ന്ന​ ​ഈ​ ​അ​രും​കൊ​ല​ ​ഒ​രി​ക്ക​ൽ​ക്കൂ​ടി​ ​പ്ര​തി​കാ​ര​ ​രാ​ഷ്ട്രീ​യ​ത്തി​ന്റെ​ ​കി​രാ​ത​മു​ഖ​മാ​ണ് ​പു​റ​ത്തെ​ടു​ത്ത​ത്.​ ​കൊ​ല്ല​പ്പെ​ട്ട​ ​ശ​ര​ത്‌​ലാ​ലും​ ​കൃ​പേ​ഷും​ ​യൂ​ത്ത് ​കോ​ൺ​ഗ്ര​സി​ന്റെ​ ​സ​ജീ​വ​ ​പ്ര​വ​ർ​ത്ത​ക​രാ​ണ്.​ ​കൊ​ല​പാ​ത​ങ്ങ​ൾ​ക്കു​ ​പി​ന്നി​ൽ​ ​സി.​പി.​എം​ ​ആ​ണെ​ന്ന് ​കോ​ൺ​ഗ്ര​സി​ന്റെ​ ​ത​ല​മു​തി​ർ​ന്ന​ ​സം​സ്ഥാ​ന​ ​നേ​താ​ക്ക​ളു​ൾ​പ്പെ​ടെ​യു​ള്ള​വ​ർ​ ​ആ​രോ​പ​ണം​ ​ഉ​ന്ന​യി​ച്ചി​ട്ടു​ണ്ട്.​ ​എ​ന്നാ​ൽ​ ​പാ​ർ​ട്ടി​ക്ക് ​ഈ​ ​അ​രും​കൊ​ല​യി​ൽ​ ​ഒ​രു​ ​ബ​ന്ധ​വു​മി​ല്ലെ​ന്നാ​ണ് ​സി.​പി.​എം​ ​കേ​ന്ദ്ര​ങ്ങ​ൾ​ ​ത​റ​പ്പി​ച്ചു​ ​പ​റ​യു​ന്ന​ത്.​ ​കൊ​ല​പാ​ത​ക​ത്തെ​ക്കു​റി​ച്ച് ​പൊ​ലീ​സ് ​തു​ട​ങ്ങി​ക്ക​ഴി​ഞ്ഞ​ ​അ​ന്വേ​ഷ​ണം​ ​പൂ​ർ​ത്തി​യാ​കു​മ്പോ​ഴേ​ ​കൊ​ല​യാ​ളി​ക​ളു​ടെ​ ​യ​ഥാ​ർ​ത്ഥ​ ​മു​ഖ​വും​ ​അ​തി​നു​ ​പി​ന്നി​ൽ​ ​ന​ട​ന്ന​ ​ഗൂ​ഢാ​ലോ​ച​ന​യു​ടെ​ ​വി​ശ​ദാം​ശ​ങ്ങ​ളു​മൊ​ക്കെ​ ​പു​റ​ത്തു​വ​രി​ക​യു​ള്ളൂ.

രാ​ഷ്ട്രീ​യ​വും​ ​കൊ​ടി​യ​ട​യാ​ള​വു​മൊ​ക്കെ​ ​മാ​റ്റി​വ​ച്ചു​നോ​ക്കി​യാ​ൽ​ ​ജീ​വി​ത​ത്തി​ലേ​ക്ക് ​കാ​ലെ​ടു​ത്തു​വ​യ്ക്കാ​ൻ​ ​തു​ട​ങ്ങി​യ,​ ​വീ​ടി​നും​ ​നാ​ടി​നും​ ​വ​ള​രെ​ക്കാ​ലം​ ​ഉ​പ​കാ​ര​പ്പെ​ടേ​ണ്ട​ ​ര​ണ്ട് ​യു​വാ​ക്ക​ളു​ടെ​ ​ഏ​റെ​ ​വി​ല​പ്പെ​ട്ട​ ​ജീ​വ​നാ​ണ് ​ക​ണ്ണി​ൽ​ ​ചോ​ര​യി​ല്ലാ​ത്ത​ ​കാ​പാ​ലി​ക​ർ​ ​വെ​ട്ടി​നു​റു​ക്കി​യ​ത്.​ ​കൊ​ടു​വാ​ളും​ ​മ​ഴു​വും​ ​കൊ​ണ്ട് ​ദേ​ഹാ​സ​ക​ലം​ ​മു​റി​വേ​റ്റ​ ​നി​ല​യി​ൽ​ ​റോ​ഡി​ലും​ ​സ​മീ​പ​ത്തെ​ ​കു​റ്റി​ക്കാ​ട്ടി​ലു​മാ​യി​ ​കി​ട​ന്നി​രു​ന്ന​ ​യു​വാ​ക്ക​ളെ​ ​വ​ഴി​പോ​ക്ക​രാ​ണ് ​ക​ണ്ട് ​ആ​ശു​പ​ത്രി​ക​ളി​ലെ​ത്തി​ച്ച​ത്.​ ​കൃ​പേ​ഷ് ​സം​ഭ​വ​സ്ഥ​ല​ത്തു​ ​വ​ച്ചു​ത​ന്നെ​ ​മ​രി​ച്ചി​രു​ന്നു.​ ​ശ​ര​ത്‌​ലാ​ൽ​ ​ആ​ശു​പ​ത്രി​യി​ലേ​ക്കു​ള്ള​ ​മാ​ർ​ഗ​മ​ദ്ധ്യേ​യും.​ ​യു​വാ​ക്ക​ളെ​ ​പി​ന്തു​ട​ർ​ന്ന് ​ജീ​പ്പി​ൽ​ ​എ​ത്തി​യ​ ​മൂ​ന്നം​ഗ​ ​സം​ഘം​ ​കൃ​ത്യം​ ​ന​ട​ത്തി​ ​സ്ഥ​ലം​ ​വി​ടു​ക​യാ​യി​രു​ന്നു.​ ​കൃ​ത്യ​മാ​യ​ ​ആ​സൂ​ത്ര​ണ​ത്തോ​ടെ​ ​അ​ര​ങ്ങേ​റി​യ​ ​കൊ​ല​പാ​ത​ക​ത്തി​നു​ ​പി​ന്നി​ൽ​ ​പ​രി​ച​യ​സ​മ്പ​ന്ന​രാ​യ​ ​സം​ഘം​ ​ത​ന്നെ​യാ​ണെ​ന്നാ​ണു​ ​പൊ​ലീ​സി​ന്റെ​ ​നി​ഗ​മ​നം.

കാ​സ​ർ​കോ​ട്ടെ​ ​പെ​രി​യ​ ​ക​ല്ല്യോ​ട്ടു​ ​ന​ട​ന്ന​ ​ഈ​ ​ഇ​ര​ട്ട​ക്കൊ​ല​പാ​ത​കം​ ​പ​തി​വു​പോ​ലെ​ ​ദൂ​ര​വ്യാ​പ​ക​മാ​യ​ ​പ്ര​തി​ഷേ​ധ​ങ്ങ​ൾ​ക്കും​ ​വി​കാ​ര​പ്ര​ക​ട​ന​ങ്ങ​ൾ​ക്കും​ ​വ​ഴി​വ​ച്ച​ത് ​സ്വാ​ഭാ​വി​കം​ ​ത​ന്നെ.​ ​യൂ​ത്ത് ​കോ​ൺ​ഗ്ര​സ് ​ആ​ഹ്വാ​നം​ ​ചെ​യ്ത​ ​പ​ന്ത്ര​ണ്ടു​ ​മ​ണി​ക്കൂ​ർ​ ​ഹ​ർ​ത്താ​ലി​ൽ​ ​സം​സ്ഥാ​ന​ത്തി​ന്റെ​ ​ഒ​ട്ടു​മി​ക്ക​ ​ഭാ​ഗ​ങ്ങ​ളി​ലും​ ​ഇ​ന്ന​ലെ​ ​ജ​ന​ജീ​വി​തം​ ​ദു​രി​ത​മ​യ​മാ​യി.​ ​ആ​റ്റു​കാ​ൽ​ ​പൊ​ങ്കാ​ല​ ​ക​ണ​ക്കി​ലെ​ടു​ത്ത് ​തി​രു​വ​ന​ന്ത​പു​രം​ ​ന​ഗ​ര​ത്തെ​ ​ഹ​ർ​ത്താ​ലി​ൽ​ ​നി​ന്ന് ​ഒ​ഴി​വാ​ക്കി​യ​താ​യ​ ​അ​റി​യി​പ്പു​ ​വ​രാ​ൻ​ ​വൈ​കി​യ​തി​നാ​ൽ​ ​ഇ​വി​ടെ​യും​ ​രാ​വി​ലെ​ ​ഹ​ർ​ത്താ​ൽ​ ​പ്ര​തീ​തി​യാ​യി​രു​ന്നു.​ ​വി​ദ്യാ​ല​യ​ങ്ങ​ൾ​ ​അ​ട​ഞ്ഞു​കി​ട​ന്നു.​ ​പ​രീ​ക്ഷ​ക​ൾ​ ​മാ​റ്റി​വ​യ്ക്കേ​ണ്ടി​വ​ന്നു.​ ​ഹ​ർ​ത്താ​ൽ​ ​ന​ട​ത്താ​ൻ​ ​മു​ൻ​കൂ​ർ​ ​നോ​ട്ടീ​സ് ​ന​ൽ​കി​യി​രി​ക്ക​ണ​മെ​ന്ന​ ​ഹൈ​ക്കോ​ട​തി​ ​ഉ​ത്ത​ര​വ് ​നി​ല​നി​ൽ​ക്കെ​യാ​ണ് ​ഒ​രി​ക്ക​ൽ​ക്കൂ​ടി​ ​സം​സ്ഥാ​നം​ ​രാ​ഷ്ട്രീ​യ​ ​കൊ​ല​പാ​ത​ക​ത്തി​ന്റെ​ ​പേ​രി​ലു​ള്ള​ ​മി​ന്ന​ൽ​ ​ഹ​ർ​ത്താ​ലി​നു​ ​വി​ധേ​യ​മാ​കു​ന്ന​ത്.​ ​മാ​ർ​ഗ​നി​ർ​ദ്ദേ​ശം​ ​ലം​ഘി​ച്ച് ​ഹ​ർ​ത്താ​ൽ​ ​ന​ട​ത്തി​യ​തി​നെ​തി​രെ​ ​ഹൈ​ക്കോ​ട​തി​ ​സ്വ​മേ​ധ​യാ​ ​കേ​സെ​ടു​ക്കു​ക​യും​ ​ബ​ന്ധ​പ്പെ​ട്ട​ ​നേ​താ​ക്ക​ൾ​ക്ക് ​നോ​ട്ടീ​സ് ​അ​യ​യ്ക്കു​ക​യും​ ​ചെ​യ്തു.​ ​ഹ​ർ​ത്താ​ലു​മാ​യി​ ​ബ​ന്ധ​പ്പെ​ട്ടു​ണ്ടാ​യ​ ​നാ​ശ​ന​ഷ്ട​ങ്ങ​ൾ​ക്ക് ​നേ​താ​ക്ക​ൾ​ ​ഉ​ത്ത​ര​വാ​ദി​ക​ളാ​കു​മെ​ന്ന​ ​മു​ന്ന​റി​യി​പ്പും​ ​കോ​ട​തി​യി​ൽ​ ​നി​ന്നു​ണ്ടാ​യി.

നി​ഷ്ഠൂ​ര​വും​ ​പൈ​ശാ​ചി​ക​വു​മാ​യ​ ​കൊ​ല​പാ​ത​ക​ങ്ങ​ളി​ൽ​ ​നാ​ട് ​ഒ​ന്ന​ട​ങ്കം​ ​ദുഃ​ഖി​ക്കു​മ്പോ​ൾ​ ​അ​തോ​ടൊ​പ്പം​ ​ഹ​ർ​ത്താ​ൽ​ ​കൂ​ടി​യു​ണ്ടെ​ങ്കി​ലേ​ ​പ്ര​തി​ഷേ​ധം​ ​പൂ​ർ​ണ​മാ​കൂ​ ​എ​ന്നു​ ​വ​രു​ന്ന​ത് ​വ​ലി​യ​ ​സ​ങ്ക​ട​മാ​ണ്.​ ​അ​പ്ര​തീ​ക്ഷി​തമാ​യെ​ത്തു​ന്ന​ ​ഹ​ർ​ത്താ​ൽ​ ​ജ​ന​ങ്ങ​ൾ​ക്ക് ​എ​ത്ര​മാ​ത്രം​ ​ക​ഷ്ട​ന​ഷ്ട​ങ്ങ​ളാ​ണു​ ​വ​രു​ത്തി​വ​യ്ക്കു​ന്ന​തെ​ന്ന് ​ആ​രും​ ​ചി​ന്തി​ക്കാ​റി​ല്ല.​ ​ഹ​ർ​ത്താ​ലു​ക​ൾ​ക്കെ​തി​രെ​ ​സം​സ്ഥാ​ന​ത്ത് ​പൊ​തു​ജ​നാ​ഭി​പ്രാ​യം​ ​ശ​ക്തി​പ്പെ​ട്ടു​ ​വ​രി​ക​യാ​യി​രു​ന്നു.​ ​ജ​ന​വി​രു​ദ്ധ​മാ​യ​ ​ഈ​ ​സ​മ​ര​രീ​തി​ ​നി​രു​ത്സാ​ഹ​പ്പെ​ടു​ത്ത​ണ​മെ​ന്നാ​വ​ശ്യ​പ്പെ​ട്ട​വ​രു​ടെ​ ​കൂ​ട്ട​ത്തി​ൽ​ ​കോ​ൺ​ഗ്ര​സ് ​നേ​തൃ​ത്വ​വും​ ​ഉ​ണ്ടാ​യി​രു​ന്നു.​ ​യൂ​ത്ത് ​കോ​ൺ​ഗ്ര​സ് ​പ്ര​വ​ർ​ത്ത​ക​രെ​ ​കൊ​ല​ചെ​യ്ത​വ​രെ​ ​അ​ന്വേ​ഷി​ച്ചു​ ​ക​ണ്ടെ​ത്തേ​ണ്ട​ത് ​പൊ​ലീ​സി​ന്റെ​ ​ഉ​ത്ത​ര​വാ​ദി​ത്വ​മാ​ണ്.​ ​അ​വ​ർ​ ​അ​തി​ൽ​ ​വി​ജ​യി​ക്കു​മെ​ന്നു​ ​ത​ന്നെ​യാ​ണ് ​വി​ശ്വാ​സം.​ ​അ​തി​നാ​യി​ ​ഹ​ർ​ത്താ​ൽ​ ​ന​ട​ത്തി​ ​ജ​ന​ങ്ങ​ളു​ടെ​ ​നി​ത്യ​ജീ​വി​തം​ ​ത​ട​സ​പ്പെ​ടു​ത്തേ​ണ്ട​ ​കാ​ര്യ​മി​ല്ല.

യൂ​ത്ത് ​കോ​ൺ​ഗ്ര​സു​കാ​രും​ ​സി.​പി.​എം​ ​പ്ര​വ​ർ​ത്ത​ക​രും​ ​ത​മ്മി​ൽ​ ​നി​ല​നി​ന്നു​ ​പോ​ന്ന​ ​പ്രാ​ദേ​ശി​ക​ ​ത​ല​ത്തി​ലു​ള്ള​ ​ചെ​റി​യ​ ​ഒ​രു​ ​പ്ര​ശ്നം​ ​വ​ള​ർ​ന്നു​ ​വ​ലു​താ​യ​തി​ന്റെ​ ​അ​വ​സാ​ന​മാ​ണ് ​ഇ​പ്പോ​ൾ​ ​ന​ട​ന്ന​ ​ഇ​ര​ട്ട​ ​കൊ​ല​പാ​ത​ക​മെ​ന്നു​ ​പ​റ​യു​ന്നു​ണ്ട്.​ ​സി.​പി.​എം​ ​പ്ര​വ​ർ​ത്ത​ക​രെ​ ​മു​ൻ​പ് ​ആ​ക്ര​മി​ച്ച​ ​സം​ഭ​വ​ത്തി​ൽ​ ​ഇ​പ്പോ​ൾ​ ​കൊ​ല്ല​പ്പെ​ട്ട​വ​ർ​ ​ഉ​ൾ​പ്പെ​ടെ​യു​ള്ള​ ​കോ​ൺ​ഗ്ര​സ് ​പ്ര​വ​ർ​ത്ത​ക​ർ​ക്കെ​തി​രെ​ ​കേ​സും​ ​നി​ല​നി​ൽ​ക്കു​ക​യാ​ണ്.​ ​ഇ​തി​ന്റെ​ ​പേ​രി​ൽ​ ​ഈ​ ​പ്ര​ദേ​ശ​ത്ത് ​ഇ​രു​കൂ​ട്ട​രും​ ​ത​മ്മി​ൽ​ ​ഇ​ട​യ്ക്കി​ടെ​ ​സം​ഘ​ർ​ഷം​ ​പ​തി​വാ​യി​രു​ന്നു.​ ​വൈ​രം​ ​കൊ​ല​ക്ക​ത്തി​യി​ലേ​ക്കു​ ​വ​ള​രാ​റു​ള്ള​ ​മേ​ഖ​ല​ക​ളി​ൽ​ ​ഉ​ന്ന​ത​ ​നേ​തൃ​ത്വ​ങ്ങ​ളു​ടെ​ ​ക​ർ​ക്ക​ശ​ ​ഇ​ട​പെ​ട​ലു​ക​ൾ​ ​ഉ​ണ്ടാ​കാ​ത്ത​താ​ണ് ​ഇ​തു​പോ​ലു​ള്ള​ ​ദാ​രു​ണ​ ​സം​ഭ​വ​ങ്ങ​ൾ​ ​ആ​വ​ർ​ത്തി​ക്കാ​ൻ​ ​കാ​ര​ണം.​ ​ഇ​രു​ ​വി​ഭാ​ഗ​ങ്ങ​ൾ​ ​ത​മ്മി​ലു​ള്ള​ ​സം​ഘ​ർ​ഷം​ ​നേ​തൃ​ത്വം​ ​അ​റി​യാ​തെ​ ​പോ​കാ​നി​ട​യി​ല്ല.​ ​അ​തു​ ​വ​ള​ർ​ന്നു​ ​വ​ലു​താ​കാ​തി​രി​ക്കാ​ൻ​ ​ഉ​ചി​ത​മാ​യ​ ​മാ​ർ​ഗം​ ​സ്വീ​ക​രി​ക്കേ​ണ്ട​ത് ​ബ​ന്ധ​പ്പെ​ട്ട​ ​പാ​ർ​ട്ടി​ ​നേ​തൃ​ത്വ​ങ്ങ​ളു​ടെ​ ​ചു​മ​ത​ല​യാ​ണ്.​ ​കീ​ഴ് ​ഘ​ട​ക​ങ്ങ​ളെ​ ​ക​ടി​ഞ്ഞാ​ണി​ട്ടു​ ​നി​റു​ത്തു​ന്ന​തി​നു​ ​പ​ക​രം​ ​എ​രി​തീ​യി​ൽ​ ​എ​ണ്ണ​ ​ഒ​ഴി​ക്കു​ന്ന​ ​സ​മീ​പ​ന​മു​ണ്ടാ​കു​മ്പോ​ഴാ​ണ് ​ത​ല​ ​കൊ​യ്യു​ന്ന​ ​ത​ല​ത്തി​ലേ​ക്ക് ​വൈ​രം​ ​ആ​ളി​ക്ക​ത്താ​റു​ള്ള​ത്.​ ​മ​ന​സാ​ക്ഷി​യെ​ ​ഞെ​ട്ടി​ക്കു​ന്ന​ ​അ​രും​ ​കൊ​ല​ക​ൾ​ ​ന​ട​ന്ന​ശേ​ഷം​ ​ക​ള്ള​ക്ക​ണ്ണീ​രൊ​ഴു​ക്കി​യ​തു​കൊ​ണ്ട് ​ഫ​ല​മൊ​ന്നു​മി​ല്ല.​ ​എ​തി​രാ​ളി​യു​ടെ​ ​പ​ച്ച​യാ​യ​ ​ജീ​വ​നെ​ടു​ത്തു​കൊ​ണ്ടു​ള്ള​ ​രാ​ഷ്ട്രീ​യ​ക്ക​ളി​യി​ൽ​ ​നി​ന്ന് ​ഏ​വ​രും​ ​മാ​റി​നി​ൽ​ക്കു​ക​ ​ത​ന്നെ​ ​വേ​ണം.​ ​എ​തി​രാ​ളി​ക​ളു​ടെ​ ​ത​ല​ ​കൊ​യ്യാ​ൻ​ ​ക്വ​ട്ടേ​ഷ​ൻ​ ​സം​ഘ​ത്തെ​ ​നി​യോ​ഗി​ക്കു​ന്നി​ടം​ ​വ​രെ​ ​രാ​ഷ്ട്രീ​യം​ ​അ​ധഃ​പ​തി​ച്ചു​ ​കൂ​ടാ​ത്ത​താ​ണ്.​ ​ക​ല്യോ​ട്ടെ​ ​യൂ​ത്ത് ​കോ​ൺ​ഗ്ര​സ് ​പ്ര​വ​ർ​ത്ത​ക​രെ​ ​വ​ക​വ​രു​ത്തി​യ​തി​നു​ ​പി​ന്നി​ലും​ ​ക്വ​ട്ടേ​ഷ​ൻ​ ​സം​ഘ​മാ​ണെ​ന്ന​ ​സൂ​ച​ന​ ​പു​റ​ത്തു​വ​ന്നി​ട്ടു​ണ്ട്.​ ​ആ​പ​ൽ​ക്ക​ര​മാ​ണ് ​ഈ​ ​പോ​ക്കെ​ന്ന് ​ഇ​നി​ ​എ​ന്നാ​ണ് ​മ​ന​സി​ലാ​ക്കു​ക.