 സമർപ്പണം ഇന്ന് വൈകിട്ട് 4ന്

പത്തനംതിട്ട: പെ​രുമ്പെട്ടിയിലെ പ​ന​യ്ക്കപതാലിൽ ക​ണ്ടൻ കു​മാ​രൻ സ്​മാ​ര​ക സാംസ്​കാ​രി​ക നി​ല​യം യാ​ഥാർത്ഥ്യ​മാ​കു​ന്നു. ഗ്രാ​മ​പ​ഞ്ചാ​യ​ത്ത് പ്ര​സി​ഡന്റ് എം. എ​സ്. സു​ജാ​ത നിലയം ഇന്ന് വൈകിട്ട് 4ന് നാ​ടി​ന് സ​മർ​പ്പി​ക്കും. ത​മ​സ്​ക​രി​ക്ക​പ്പെ​ട്ട ചരിത്ര നായ​കന്റെ ച​രി​ത്ര​പ്ര​സിദ്ധമാ​യ പ്രജാ​സഭ പ്ര​സം​ഗത്തിന്റെ 102-ാം വാർ​ഷി​ക​ത്തി​ലാ​ണ് ആ നാ​മധേയം ശാ​ശ്വ​തീക​രി​ക്കാൻ നാട് ഒരു​ങ്ങു​ന്നതെന്ന് സാംബവ മഹാസഭ ജനറൽ സെക്രട്ടറി രാ​മ​ചന്ദ്രൻ മുല്ല​ശ്ശേരി പറഞ്ഞു.
1917 ഫെ​ബ്രു​വ​രി 22ന് ശ്രീ​മൂ​ലം പ്ര​ജാ​സ​ഭ​യിൽ പ​റ​യ സ​മു​ദാ​യ പ്ര​തി​നി​ധി​യാ​യ ക​ണ്ടൻ കു​മാ​രൻ ന​ട​ത്തി​യ പ്ര​സം​ഗ​ത്തെ ഒ​രു ജ​ന​ത​യു​ടെ ഉ​യിർ​ത്തെ​ഴുന്നേൽ​പ്പി​ന്റെ ശം​ഖ​നാദമായി വി​ല​യി​രുത്തപ്പെടുന്നു. അ​നു​കൂ​ല​മ​ല്ലാ​ത്ത ഭൗ​തി​ക​ സാ​ഹ​ച​ര്യ​ത്തിലും 52 ഏ​കാ​ദ്ധ്യാ​പ​ക വി​ദ്യാ​ല​യ​ങ്ങൾ അദ്ദേഹത്തിന് ന​ട​ത്താൻ ക​ഴി​ഞ്ഞ​ത് വി​സ്​മ​യാ​വ​ഹമാണ്. 1911 ആ​ഗ​സ്​റ്റ് 29ന് ക​ണ്ടൻ കു​മാ​രന്റെ നേ​തൃ​ത്വ​ത്തിൽ തു​ട​ക്ക​മി​ട്ട ബ്ര​ഹ്​മ പ്ര​ത്യ​ക്ഷ സാ​ധു​ജ​ന പ​രി​പാ​ല​ന സം​ഘം ന​ട​ത്തി​യ ഉജ്വല​മാ​യ പോ​രാ​ട്ട​മാ​യി​രു​ന്നു അ​ത്.
1863 ഒ​ക്‌​ടോ​ബർ 25ന് പ​ത്ത​നം​തി​ട്ട ജി​ല്ല​യി​ലെ മ​ല്ല​പ്പ​ള്ളി താ​ലൂ​ക്കിൽ കൊറ്റ​നാട് പെ​രുമ്പെട്ടി കാ​വാ​രി​കു​ളം വീ​ട്ടിൽ കണ്ട​ന്റെയും മാ​ണി​യു​ടെയും മ​ക​നാ​യി​ട്ടാ​യി​രു​ന്നു ജ​ന​നം. ജാ​തീ​യ​മാ​യ വില​ക്കു​കളും വി​വേ​ച​നങ്ങളും അ​ടി​മ​ത്വ​വും ചെറുത്ത് തോല്പിച്ച് തന്റെ ജന​തയെ അന്ത​സു​ള്ള​വരും ആ​ത്​മാ​ഭി​മാ​നികളും അ​വ​കാ​ശ​ബോ​ധ​മു​ള്ളവരു​മാക്കി ​മാറ്റാൻ അദ്ദേഹത്തിന് കഴിഞ്ഞു. അ​യ്യങ്കാ​ളി ക​ഴി​ഞ്ഞാൽ കീ​ഴാ​ള ജാ​തി​ക്കാ​രിൽ ഏ​റ്റ​വും കൂ​ടു​തൽ കാ​ലം സാ​മാ​ജി​കൻ ആ​യി​രു​ന്ന​തും ക​ണ്ടൻ കു​മാ​രനാണ്. 1934 ഒ​ക്‌​ടോ​ബർ 16ന് അ​ദ്ദേ​ഹം ദിവംഗതനായി.