ചേർത്തല:കഞ്ഞിക്കുഴി സർവീസ് സഹകരണ ബാങ്കിന് കീഴിലുള്ള വനിതാ സെൽഫിയുടെ ആഭിമുഖ്യത്തിൽ സ്ത്രീകൾക്കായി ഒരുക്കിയ ഫിസിക്കൽ ഫിറ്റ്‌നസ് സെന്റർ ഡോ.ചിത്രാ സാബു ഉദ്ഘാടനം ചെയ്തു.വനിതാ സെൽഫി പ്രസിഡന്റ് ഗീതാ കാർത്തികേയൻ അദ്ധ്യക്ഷത വഹിച്ചു.ഡോ.സാബു സുഗതൻ മുഖ്യപ്രഭാഷണം നടത്തി.സുദർശനാഭായി വനിതാദിന സന്ദേശം നൽകി.യോഗാചാര്യൻ ടി.കെ.മണിലാൽ, യോഗാചാര്യ ഗീത മണിലാൽ എന്നിവർ ക്ലാസെടുത്തു. ഭരണ സമിതിയംഗങ്ങളായ വി.പ്രസന്നൻ,കെ.കൈലാസൻ,ടി.ആർ.ജഗദീശൻ,ടി.രാജീവ്,പ്രസന്ന മുരളി,വിജയ മുരളീകൃഷ്ണൻ, ജില്ലാ പഞ്ചായത്തംഗം ജമീലാ പുരുഷോത്തമൻ,ബാബു കറുവള്ളി,പ്രസേനൻ എന്നിവർ സംസാരിച്ചു. ബാങ്ക് പ്രസിഡന്റ് അഡ്വ..എം.സന്തോഷ് കുമാർ സ്വാഗതവും സെക്രട്ടറി പി.ഗീത നന്ദിയും പറഞ്ഞു.