ആലപ്പുഴ: ജി​ല്ലയി​ൽ റേഷൻ സാധനങ്ങളുടെ വാതി​ൽപ്പടി​ വി​തരണം തുടങ്ങി​. റേഷൻ സാധനങ്ങൾ കടകൾക്ക് മുന്നി​ൽ വച്ച് തൂക്കി ബോദ്ധ്യപ്പെടുത്തി​യാണ് റേഷൻ വ്യാപാരികൾക്ക് വിതരണം ചെയ്യുന്നത്. ആദ്യഘട്ടത്തിൽ ചേർത്തല, അമ്പലപ്പുഴ,കുട്ടനാട് എന്നീ താലൂക്കുകളിലാണ് വാതി​ൽപ്പടി​ വിതരണം നടത്തിയത്.

ഇന്നലെ കാർത്തികപ്പള്ളി,മാവേലിക്കര താലൂക്കുകളിൽ വിതരണം നടത്തി. പ്രാദേശിക അവധിയായതിനാലാണ് ആദ്യ ഘട്ടത്തിൽ വിതരണം നടത്തിയത്.

റേഷൻ സാധനങ്ങളി​ൽ കുറവുണ്ടാകുന്നതായുള്ള വ്യാപാരികളുടെ പരാതിയെ തുടർന്നാണ് റേഷൻ വിതരണം കൂടുതൽ സുതാര്യമാക്കിയത്. സാധനങ്ങൾ വിതരണത്തിനു കൊണ്ടുവരുന്ന ലോറിയിൽ തന്നെ തൂക്കം നോക്കാനുള്ള ത്രാസും സജ്ജമാക്കിയിട്ടുണ്ട്. എൻ.എഫ്.എസ്.എ ഉദ്യോഗസ്ഥൻ,കരാറുകാരൻ,റേഷൻ കടയുടമ എന്നിവരുടെ സാന്നിദ്ധ്യത്തിലാണ് സാധനങ്ങൾ തൂക്കി നൽകുന്നത്.