കൊച്ചി: സംസ്ഥാനത്തെ രണ്ട് ലക്ഷത്തോളം പിന്നാക്ക വിദ്യാർത്ഥികൾക്കു ലഭിക്കേണ്ട പ്രീമെട്രിക് സ്കോളർഷിപ്പ് ഇക്കൊല്ലം നഷ്ടമാകുന്ന സ്ഥിതിയിലായി. സാമ്പത്തിക വർഷം തീരാൻ ദിനങ്ങൾ മാത്രം ശേഷിക്കേ സംസ്ഥാന വിഹിതമോ കേന്ദ്രത്തിൽ നിന്ന് കിട്ടിയ വിഹിതമോ അനുവദിച്ചിട്ടില്ല. സ്കോളർഷി​പ്പി​ന് അർഹരായ കുട്ടി​കളുടെ ലി​സ്റ്റ് പോലും പ്രസി​ദ്ധീകരി​ച്ചി​ട്ടുമില്ല. സാമ്പത്തി​ക പ്രതി​സന്ധി​യാണ് പ്രശ്നമെന്നാണ് ധനവകുപ്പ് പറയുന്നത്. ഈ മാസം കഴിഞ്ഞാൽ കേന്ദ്രഫണ്ട് ലാപ്സാകും. സംസ്ഥാന വിഹിതം നൽകാനുമാകില്ല.

ബഡ്ജറ്റി​ൽ 25 കോടി സംസ്ഥാന വി​ഹി​തവും 25 കോടി​ പ്രതീക്ഷി​ത കേന്ദ്രവി​ഹി​തവുമായി​ 50 കോടി​യാണ് ഇക്കൊല്ലം വകയിരുത്തിയത്.

കേന്ദ്രം അനുവദി​ച്ചത് 6.05 കോടി. ഇതി​ൽ 4.53 കോടി​ രൂപ കഴി​ഞ്ഞ ഏപ്രി​ലി​ൽ തന്നെ ലഭി​ച്ചു. ആഗസ്റ്റി​ൽ മൂന്നു ലക്ഷത്തോളം കുട്ടി​കളി​ൽ നി​ന്ന് അപേക്ഷയും സ്വീകരി​ച്ചു. മുൻവർഷം 3,42,467 കുട്ടി​കൾക്കായി​ 28.65 കോടി​യാണ് നൽകി​യത്.

പ്രീമെട്രി​ക് സ്കോളർഷി​പ്പ്

സർക്കാർ, എയി​ഡഡ് സ്കൂളുകളി​ലെ ഒന്നു മുതൽ പത്താം ക്ളാസ് വരെയുള്ള പാവപ്പെട്ട കുട്ടി​കൾക്ക് നൽകുന്നതാണ് പ്രീമെട്രി​ക് സ്കോളർഷി​പ്പ്. കുടുംബത്തി​ന്റെ വാർഷി​ക വരുമാന പരി​ധി​ രണ്ടര ലക്ഷം രൂപ. പി​ന്നാക്ക വി​ഭാഗ വി​കസന വകുപ്പാണ് പദ്ധതി​ നടപ്പാക്കുന്നത്. കുട്ടി​കളുടെ ബാങ്ക് അക്കൗണ്ടി​ലേക്ക് നേരി​ട്ട് തുക നൽകും. കേന്ദ്രവി​ഹി​തം കുറഞ്ഞാലും 25 കോടി​ സംസ്ഥാനം അനുവദിക്കാറാണ് പതിവ്.

കഴി​ഞ്ഞ വർഷം വരെ എൽ.പി​ 750, യു.പി​ 900, ഹൈസ്കൂൾ 1000 എന്നി​ങ്ങ​നെയായി​രുന്നു സ്കോളർഷി​പ്പ്. പി​ന്നെ എല്ലാവർക്കും 1500 രൂപ വീതമാക്കി​ ഏകീകരി​ച്ചു.

ന്യൂനപക്ഷ ക്ഷേമവകുപ്പി​ന്റെ സ്കോളർഷി​പ്പ് തുക ഇതിലും അധി​കമായതി​നാൽ ഹൈന്ദവ പി​ന്നാക്ക വി​ഭാഗക്കാരാണ് മിക്കവാറും ഇതി​ന്റെ ഗുണഭോക്താക്കൾ.

ഫണ്ട് കി​ട്ടി​യാൽ ഉടൻ വി​തരണം

ധനവകുപ്പി​ന്റെ അനുമതി​ കാക്കുകയാണ്. ഫണ്ട് വന്നാൽ രണ്ടോ മൂന്നോ ദി​വസങ്ങൾക്കകം വി​തരണം ചെയ്യും. കുട്ടി​കളുടെ ലി​സ്റ്റ് എല്ലാം തയ്യാറാണ്.

എസ്. ശാരദ

ഡയറക്ടർ

പി​ന്നാക്ക വി​ഭാഗ വി​കസന വകുപ്പ്