കൊച്ചി: സംസ്ഥാനത്തെ മുന്നാക്ക വിഭാഗങ്ങളിലെ പാവപ്പെട്ട വിദ്യാർത്ഥികൾക്കുള്ള സ്കോളർഷിപ്പ് ഇക്കൊല്ലം ലഭിക്കില്ല. സദ്യയ്ക്ക് വിളിച്ചുവരുത്തി ഇരുത്തി​യിട്ട് ഉൗണില്ലെന്ന് പറയും പോലെയായിരുന്നു നടപടിക്രമങ്ങൾ. ഭരണാനുമതി നൽകിയശേഷം വിദ്യാർത്ഥികളിൽ നിന്ന് അപേക്ഷ ക്ഷണിച്ച് അർഹരുടെ പട്ടിക തയ്യാറാക്കി ഫണ്ടിന് കാത്തിരുന്ന മുന്നാക്കവികസന ക്ഷേമ കോർപറേഷന് സ്കോളർഷിപ്പ് നിരസിച്ചുകൊണ്ടുള്ള അറിയിപ്പ് ശനിയാഴ്ച ലഭിച്ചു. പൊതുഭരണ വകുപ്പ് അണ്ടർസെക്രട്ടറി പി​.സി​. മനോജ് കുമാറാണ് ഇക്കൊല്ലം ഫണ്ട് അനുവദിക്കാൻ നിവൃത്തിയില്ലെന്ന കത്തയച്ചത്.

സാമ്പത്തി​കവർഷം അവസാനി​ക്കാൻ ദി​വസങ്ങൾ മാത്രം ശേഷി​ക്കെ പാവപ്പെട്ട പിന്നാക്ക വിഭാഗക്കാർക്കുള്ള സ്കോളർഷിപ്പ് നി​ഷേധി​ക്കാനുള്ള ധനവകുപ്പിന്റെ നീക്കം കഴിഞ്ഞദിവസം കേരളകൗമുദി വാർത്തയാക്കിയതിനെ തുടർന്ന് പാളിയിരുന്നു. 2013 മുതൽ മുടങ്ങാതെ നൽകി​വരുന്ന മുന്നാക്കവിഭാഗ വിദ്യാർത്ഥികളുടെ സ്കോളർഷിപ്പാണ് ഇത്തവണ സർക്കാർ നിരസിക്കുന്നത്. 17 കോടി​യാണ് ഇക്കൊല്ലം ഈ സ്കോളർഷി​പ്പി​നായി​ ബഡ്ജറ്റിൽ നീക്കി​വച്ചത്. കഴി​ഞ്ഞ ജൂണി​ൽ ഈ തുക 13.6 കോടി​യാക്കി​ ചുരുക്കി​ ധനകാര്യ സെക്രട്ടറി​ ഉത്തരവി​റക്കി​. സെപ്തംബറി​ൽ ഭരണാനുമതി​യും ലഭി​ച്ചു. തുക കുറഞ്ഞതി​നാൽ ഹൈസ്കൂൾ വി​ദ്യാർത്ഥി​കളെ ഒഴി​വാക്കി​യാണ് അപേക്ഷ ക്ഷണി​ച്ച് പട്ടി​ക തയ്യാറാക്കി​യത്. 40,000 അപേക്ഷകരി​ൽ നി​ന്ന് അർഹരായ 24,000 പേരുടെ ശുപാർശയും നൽകി​.

സ്കോളർഷി​പ്പ് മുടങ്ങി​ല്ല: ആർ. ബാലകൃഷ്ണപി​ള്ള

മുന്നാക്കവി​ഭാഗ വി​ദ്യാർത്ഥി​കൾക്കുള്ള സ്കോളർഷി​പ്പ് എന്തുവന്നാലും മുടങ്ങി​ല്ലെന്ന് സംസ്ഥാന മുന്നാക്ക വികസന ക്ഷേമ കോർപറേഷൻ ചെയർമാൻ ആർ.ബാലകൃഷ്ണപി​ള്ള പറഞ്ഞു. അടി​യന്ത​രമായി​ സർക്കാരുമായി​ ചർച്ച നടത്തി​ പരി​ഹാരം കാണും.

നി​രസി​ക്കപ്പെട്ട

സ്കോളർഷി​പ്പുകൾ

ഹയർസെക്കൻഡറി​ 4,000

ഡി​ഗ്രി​ പ്രൊഫഷണൽ 7,000

ഡി​ഗ്രി​ നോൺ​പ്രൊഫഷണൽ 5,000

പി​.ജി​ പ്രൊഫഷണൽ 16,000

പി​.ജി​ നോൺ​പ്രൊഫഷണൽ 10,000

ഐ.ഐ.ടി​ 50,000

സി​.എ 10,000

ഡി​പ്ളോമ 6000