ഇടുക്കി: ലോക്സഭാ തിരഞ്ഞെടുപ്പ് പത്രികാസമർപ്പണത്തിന്റെ രണ്ടാം ദിനത്തിൽ ഇടുക്കി ലോക്സഭാ മണ്ഡലത്തിൽ ഒരു നാമനിർദ്ദേശ പത്രിക കൂടി ലഭിച്ചു. സ്വതന്ത്ര സ്ഥാനാർത്ഥി റെജിമോൻ ജോസഫാണ് ജില്ലാ വരണാധികാരിയായ കളക്ടർ എച്ച്. ദിനേശൻ മുമ്പാകെ നാമനിർദ്ദേശ പത്രിക സമർപ്പിച്ചത്. തുടർന്ന് സത്യപ്രസ്താവനയും നടത്തി. ഒരു സെറ്റ് പത്രികയാണ് സമർപ്പിച്ചത്. സ്ഥാനാർത്ഥി കെട്ടി വയ്‌ക്കേണ്ട തുകയായ 25,​000 രൂപ പണമായി പത്രികയോടൊപ്പം നൽകി. സ്വതന്ത്ര സ്ഥാനാർത്ഥിയായതിനാൽ പത്തു പേരാണ് പിന്താങ്ങിയത്.