ആഭ്യന്തര, അന്താരാഷ്ട്ര സർവീസുകൾക്ക് വിമാന ടിക്കറ്റ് നിരക്കുകളിൽ വൻ ഇളവുകൾ പ്രഖ്യാപിച്ച് ഗോ എയർ.

മട്ടന്നൂർ: ആഭ്യന്തര, അന്താരാഷ്ട്ര സർവീസുകൾക്ക് വിമാന ടിക്കറ്റ് നിരക്കുകളിൽ വൻ ഇളവുകൾ പ്രഖ്യാപിച്ച് ഗോ എയർ. ആഭ്യന്തര യാത്രകൾക്ക് ടിക്കറ്റ് നിരക്കുകൾ 1,099 രൂപ മുതലും അന്താരാഷ്ട്ര യാത്രകൾക്ക് ടിക്കറ്റ് നിരക്കുകൾ 4,999 രൂപയ്ക്കും തുടങ്ങും.

മാർച്ച് രണ്ട് മുതൽ മാർച്ച് നാല് വരെയാണ് ഇളവുകളോടെ ടിക്കറ്റ് ബുക്ക് ചെയ്യാൻ കഴിയുക. മാർച്ച് രണ്ട് മുതൽ സെപ്റ്റംബർ ഒന്ന് വരെയുളള യാത്രകൾക്കാകും ഓഫർ ബാധകമാകുക. കണ്ണൂർ ബാംഗ്ലൂർ യാത്രയ്ക്ക് 1,999 രൂപയ്ക്ക് വിമാനടിക്കറ്റ് ബുക്ക് ചെയ്യാം. കണ്ണൂരിൽ നിന്ന് മുംബൈയിലേക്ക് 3,399 രൂപയ്ക്ക് യാത്ര ചെയ്യാം. അഹമ്മദാബാദ് കൊച്ചി യാത്രയ്ക്ക് 2,499 രൂപയാണ് ടിക്കറ്റ് നിരക്ക്. വിശദമായ വിവരങ്ങളും ടിക്കറ്റ് ബുക്ക് ചെയ്യാനും ഗോ എയറിന്റെ ഔദ്യോഗിക വെബ്‌സൈറ്റായ goair.in ലഭിക്കും.