തലയോലപ്പറമ്പ് : കാലഹരണപ്പെട്ട് എത് നിമിഷവും നിലംപൊത്താവുന്ന വൈദ്യുതി പോസ്​റ്റുകൾ യാത്രക്കാരുടെ ജീവന് ഭീഷണിയാകുന്നു. തലയോലപ്പറമ്പ്‌ - വൈക്കം റോഡിൽ പൊട്ടൻചിറ പെട്രോൾ പമ്പിന് സമീപം മുതൽ സിംല ജംഗ്ഷൻ വരെയുള്ള ഭാഗത്ത് 11 കെ.വി ലൈൻ കടന്ന് പോകുന്ന ആറോളം ഇരുമ്പ് പോസ്റ്റുകളാണ് അപകടാവസ്ഥയിലായിരിക്കുന്നത്. പെട്രോൾ പമ്പിന് സമീപമുള്ള മൂന്ന് പോസ്​റ്റുകളുടെ ചുവട് ഭാഗം ദ്റവിച്ച് വേർപെടാറായ നിലയിലാണ്. ദിനംപ്രതി നിരവധി വാഹനങ്ങളും കാൽനടയാത്രക്കാരും കടന്നു പോകുന്നത് ഇതുവഴിയാണ്. ഭീതിയോടെയാണ് പലരും യാത്രചെയ്യുന്നത്. പോസ്റ്റുകൾ നീക്കം ചെയ്യണമെന്നാവശ്യപ്പെട്ട് കെ.എസ്.ഇ.ബി അധികൃതർക്ക് പരാതി നൽകിയെങ്കിലും നടപടിയൊന്നുമുണ്ടായില്ല. ദുരന്തത്തിന് കാതോർക്കാതെ ഒടിഞ്ഞ പോസ്​റ്റ് മാ​റ്റി ജനങ്ങളുടെ സുരക്ഷ ഉറപ്പാക്കണമെന്നാണ് നാട്ടുകാരുടെ ആവശ്യം.