തലയോലപ്പറമ്പ് : കാലഹരണപ്പെട്ട് എത് നിമിഷവും നിലംപൊത്താവുന്ന വൈദ്യുതി പോസ്​റ്റുകൾ ഒടുവിൽ അധികൃതർ മാ​റ്റി സ്ഥാപിച്ചു. തലയോലപ്പറമ്പ് വൈക്കം റോഡിൽ പൊട്ടൻചിറ പെട്രോൾ പമ്പിന് സമീപം ചുവട് ഭാഗം ദ്റവിച്ച് യാത്രക്കാരുടെ ജീവന് ഭീഷണിയായിരുന്ന 11 കെ.വി ലൈൻ കടന്ന് പോകുന്ന ഇരുമ്പ് പോസ്​റ്റാണ് ഇന്നലെ മാ​റ്റി സ്ഥാപിച്ചത്. പെട്രോൾ പമ്പിന് സമീപമുള്ള വൈദ്യുത തൂണിന്റെ ചുവട് ഭാഗം ദ്റവിച്ച് വേർപെടാറായ നിലയിലായതോടെ സമീപത്തെ വ്യാപാരികളും വീട്ടുകാരും ഏറെ ഭീതിയിലായിരുന്നു. ദിനം പ്രതി നിരവധിവാഹനങ്ങളും കാൽനടയാത്രക്കാരും ചങ്കിടിപ്പോടെയാണ് ഇതുവഴി യാത്ര ചെയ്തിരുന്നത്. പോസ്​റ്റുകൾ നീക്കം ചെയ്യണമെന്നാവശ്യപ്പെട്ട് കെ.എസ്.ഇ.ബി അധികൃതർക്ക് പരാതി നൽകിയെങ്കിലും നടപടിയൊന്നുമുണ്ടായില്ല. കഴിഞ്ഞ 12 ന് കേരളകൗമുദിയിൽ ഇത് സംബന്ധിച്ച് വാർത്ത പ്രസിദ്ധീകരിച്ചിരുന്നു ഇതെ തുടർന്നാണ് അധികൃതർ ഒടിഞ്ഞ പോസ്​റ്റ് മാ​റ്റി സ്ഥാപിച്ചത്. അപകടാവസ്ഥയിലായ മ​റ്റ് പോസ്​റ്റുകൾ ഉടൻ മാ​റ്റി സ്ഥാപിക്കുമെന്ന് അധികൃതർ പറഞ്ഞു.