വൈക്കം : ആദ്യകാല കമ്മ്യൂണിസ്റ്റ് നേതാവും ചെത്തുതൊഴിലാളി യൂണിയൻ ജനറൽ സെക്രട്ടറിയുമായിരുന്ന എം. വാസുദേവന്റെ ചരമവാർഷിക അനുസ്മരണം താലൂക്ക് ചെത്തുതൊഴിലാളി യൂണിയന്റെ നേതൃത്വത്തിൽ നടത്തി. സി. കെ. വിശ്വനാഥൻ സ്മാരക ഹാളിൽ നടന്ന അനുസ്മരണ സമ്മേളനം താലൂക്ക് യൂണിയൻ പ്രസിഡന്റ് അഡ്വ.വി.ബി.ബിനു ഉദ്ഘാടനം ചെയ്തു. യൂണിയൻ ജനറൽ സെക്രട്ടറി ടി. എൻ. രമേശൻ അനുസ്മരണ പ്രഭാഷണം നടത്തി. എം.എസ്. സുരേഷ്, പി.ആർ. ശശി, ഡി.രഞ്ജിത് കുമാർ, പി.ജി.ത്രിഗുണസെൻ, വി.എൻ.ഹരിയപ്പൻ, ബി.രാജേന്ദ്രൻ, കെ.എ. രവീന്ദ്രൻ എന്നിവർ പ്രസംഗിച്ചു.