ന്യൂഡൽഹി: പാക് കസ്റ്റഡിയിൽ നിന്നും ഇന്ത്യൻ മണ്ണിലെത്തിയ വിങ് കമാൻഡർ അഭിനന്ദൻ വർദ്ധമാന് അഭിനന്ദനങ്ങളുമായി പ്രധാനമന്ത്രി നരേന്ദ്രമോദി. 'സ്വന്തം നാട്ടിലേക്ക് വിംഗ് കമാൻഡർ അഭിനന്ദൻ വർദ്ധമാന് സ്വാഗതം. താങ്കളുടെ അതിശയകരമായ ധെെര്യത്തിൽ രാജ്യം അഭിമാനം കൊള്ളുന്നു. 130 കോടി ഭാരതീയർക്ക് പ്രചോദനമാണ് നമ്മുടെ സായുധസേനകൾ', വന്ദേ മാതരം. മോദി ട്വിറ്ററിൽ കുറിച്ചു.
അഭിനന്ദൻ വർദ്ധമാനെ കുറിച്ച് രാജ്യം അഭിമാനിക്കുന്നുവെന്ന് പ്രധാനമന്ത്രി കന്യാകുമാരിയിലെ റാലിയിൽ ജനങ്ങളെ അഭിസംബോധന ചെയ്ത് സംസാരിക്കവേയാണ് പ്രശംസിച്ചിരുന്നു. അഭിനന്ദൻ വർദ്ധമാൻ തമിഴ്നാട്ടുകാരനായതിൽ അഭിമാനിക്കുന്നു. ഉറിയിലെയും പുൽവാമയിലെയും ഭീകരാക്രമത്തിന് ശേഷം സൈനികരുടെ കരുത്ത് രാജ്യം കാണുകയാണെന്നും പ്രധാനമന്ത്രി പറഞ്ഞു.
അത്താരിയിൽ നിന്നും വിദഗ്ദ ചികിത്സയ്ക്ക് വേണ്ടി അമൃത്സറിലേക്ക് കൊണ്ടു പോകുന്ന അഭിനന്ദനെ പ്രത്യേക വിമാനത്തിൽ ഡൽഹിയിലേക്ക് കൊണ്ടുപോകും. ഇവിടെ നിന്നും ഇന്ത്യൻ എയർഫോഴ്സ് ഇന്റലിജൻസ് യൂണിറ്റിലേക്കാണ് കൊണ്ടുപോകുക. നാളെ പ്രധാനമന്ത്രി നരേന്ദ്രമോദിയും പ്രതിരോധ മന്ത്രി നിർമല സീതാരാമനും വിങ് കമാൻഡർ അഭിനന്ദനെ സന്ദർശിക്കുമെന്നാണ് സൂചന.
Welcome Home Wing Commander Abhinandan!
— Narendra Modi (@narendramodi) March 1, 2019
The nation is proud of your exemplary courage.
Our armed forces are an inspiration for 130 crore Indians.
Vande Mataram!