പൂഞ്ച്: അതിർത്തിയിൽ പാക് സെെന്യത്തിന്റെ പ്രകോപനം തുടരുന്നു. പൂഞ്ചിൽ സെെന്യം നടത്തിയ ഷെല്ലാക്രമണത്തിൽ ഒരു കുടുബത്തിലെ മൂന്ന് പേർ മരിച്ചു. വാഗ അതിർത്തിയിൽ പാക് കസ്റ്റഡിയിലുള്ള ഇന്ത്യൻ വിംഗ് കമാൻഡർ അഭിനന്ദനെ കെെമാറുന്ന സമയത്ത് പാക് സെെന്യം വെടിനിർത്തൽ കരാർ ലംഘിച്ചിരുന്നു.

അതിർത്തിയിൽ മൂന്നിടങ്ങളിലാണ് സെെന്യം വെടി നിർത്തൽ കരാർ ലംഘിച്ചത്. കൃഷ്ണഗാട്ട്,​ പൂഞ്ച്,​ മെന്ദാർ എന്നീ മേഖലകളിലെ ഇന്ത്യൻ സെെനിക പോസ്റ്റുകൾക്ക് നേരെയാണ് വെടിയുതിർത്തത്. ഇന്ത്യ സെെന്യം ശക്തമായി തിരിച്ചടിക്കുകയാണ്.

വെെകുന്നേരം കശ്മീരിൽ ഭീകരരുമായി നടന്ന ഏറ്റുമുട്ടലിൽ നാല് സുരക്ഷാ സേന ഉദ്യോഗസ്ഥർക്ക് വീരമൃത്യു വരിച്ചിരുന്നു. കാശ്മീരിലെ ഹന്ദ്‌വാരയിൽ വച്ച് നടന്ന് ഏറ്റുമുട്ടലിലാണ് ജവാന്മാർ കൊല്ലപ്പെട്ടത്. 2 സി.ആർ.പി.എഫ് ഇൻപെക്ടറും 2 പൊലീസുകാരുമാണ് കൊല്ലപ്പെട്ടത്.