ന്യൂഡൽഹി∙ ഭീകരാക്രമണത്തിന് സാദ്ധ്യതയുണ്ടെന്ന ഇന്റലിജൻസ് മുന്നറിയിപ്പിനെത്തുടർന്ന് വിമാനത്താവളങ്ങളും വിമാനക്കമ്പനികളും സുരക്ഷ വർദ്ധിപ്പിക്കണമെന്ന് നിർദേശം നൽകി. ബ്യൂറോ ഓഫ് സിവില്‍ ഏവിയേഷൻ സെക്യൂരിറ്റി (ബി.സി.എ.എസ്)ടേതാണു നിർദ്ദേശം.

എയർപോർട്ട്,​ കെട്ടിടങ്ങൾ, വിമാനത്താവളങ്ങൾ,​ ഹെലിപാഡുകൾ, ഏവിയേഷൻ ട്രെയിനിംഗ് കേന്ദ്രങ്ങൾ തുടങ്ങിയവയ്ക്ക് 20 ഇന സുരക്ഷാ മാർഗരേഖ നിർദേശിച്ചിട്ടുണ്ട്.. മറ്റൊരു നിർദേശം ഉണ്ടാകുന്നതു വരെ ഇതുതുടരണമെന്നാണ് അറിയിപ്പ്.

യാത്രക്കാരുടെ കർശന പരിശോധന,​ ടെർമിനലുകൾക്കു മുന്നിലെ പാർക്കിംഗ് നിരോധിക്കുക, യാത്രവിമാനങ്ങൾ ഒഴികെയുള്ളവയുടെ പറക്കലിൽ നിയന്ത്രണം ഏർപ്പെടുത്തുക തുടങ്ങിയവയാണ് ബിസിഎഎസ് നൽകിയ നിർദേശങ്ങൾ. സന്ദർശക പാസുകൾ വിതരണം ചെയ്യുന്നതിന് താത്കാലിക വിലക്കും ഏർപ്പെടുത്തിയിട്ടുണ്ട്.

T

മുംബയ് അന്താരാഷ്ട്ര വിമാനത്താവളത്തിൽ രാവിലെ ബോംബു ഭീഷണിയെത്തുടർന്നു സുരക്ഷാ ഉദ്യോഗസ്ഥർ രണ്ടാം ടെർമിനൽ ഒഴിപ്പിച്ചിരുന്നു.