കോട്ടയം: കുളിപ്പിക്കുന്നതിനിടയിൽ ആനയുടെ അടിയിലേക്ക് തെന്നിവീണ് പാപ്പാന് ദാരുണാന്ത്യം. ചെന്നിത്തല സ്വദേശി അരുൺ പണിക്കരാണ് മരിച്ചത്.

ഞായറാഴ്ച രാവിലെ കാരാപ്പുഴയിൽ കുളിപ്പിക്കുന്നതിനിടയിൽ അനുസരണരക്കേട് കാട്ടിയതിനെ തുടർന്ന് പാപ്പാൻ ആനയെ അടിക്കാൻ ആഞ്ഞപ്പോൾ അബദ്ധത്തിൽ വെള്ളത്തിൽ വീഴുകയായിരുന്നു. തെന്നി വീണ അരുൺ ആനയുടെ അടിയിൽ പെട്ടുപോവുകയായിരുന്നു. ഉടൻതന്നെ സഹായി ഓടിയെത്തി ആനയെ എഴുന്നേൽപ്പിച്ച് അരുണിനെ പുറത്തെടുത്തെങ്കിലും മരണം സംഭവിക്കുകയായിരുന്നു.