ന്യൂഡൽഹി: ഗ്യാലക്‌സി എസ് സീരീസിൽ സാംസംഗ് ഒരുക്കിയ പുതിയ ഫ്ലാഗ്‌ഷിപ്പ് സ്‌മാർട്‌ഫോണുകളായ എസ്10, എസ്10 പ്ളസ്, എസ്10 ഇ എന്നിവ വിപണിയിലെത്തി. ന്യൂഡൽഹിയിൽ നടന്ന ചടങ്ങിൽ ന്യൂഡൽഹിയിൽ നടന്ന ചടങ്ങിൽ സാംസംഗ് ഐ.ടി ആൻഡ് മൊബൈൽ കമ്മ്യൂണിക്കേഷൻ ഡിവിഷൻ പ്രസിഡന്റും സി.ഇ.ഒയുമായ ഡി.ജെ. കോ ഫോണുകൾ വിപണിയിലിറക്കി. ഓൺലൈൻ,​ റീട്ടെയിൽ സ്‌റ്റോറുകളിലൂടെ നാളെമുതൽ ഫോണുകൾ ലഭ്യമാകും

ശ്രേണിയിൽ ആദ്യത്തെ എന്ന വിശേഷണവുമായി ഒട്ടേറെ ഫീച്ചറുകൾ ഈ നെക്‌സ്‌റ്റ് ജനറേഷൻ എസ് സീരീസ് മോഡലുകൾക്കുണ്ട്. ആകർഷകവും ഒതുക്കമുള്ളതുമാണ് രൂപകല്‌പന. ആൻഡ്രോയിഡ് 9.0 പൈ ആണ് ഒ.എസ്. 5.8 ഇഞ്ച് സ്‌ക്രീനാണ് എസ്10 ഇയ്‌ക്ക്. എസ്10,​ എസ്10 പ്ളസ് എന്നിവയുടെ സ്‌ക്രീൻ 6.4 ഇഞ്ച്. എച്ച്.ഡി.ആർ പ്ളസ് ദൃശ്യാനുഭവം നൽകുന്ന ഇൻഫിനിറ്റി-ഒ-ഡിസ്‌പ്ളേ ഡൈനാമിക് അമൊലെഡ് സ്‌ക്രീൻ, അൾട്ര സോണിക് ഫിംഗർ പ്രിന്റ് സ്‌കാനർ,​ എച്ച്.ഡി.ആർ പ്ളസ് റെക്കോഡിംഗുള്ള ഡ്യുവൽ അപ്പർച്ചർ ലെൻസ് ട്രിപ്പിൾ കാമറ,​ മുന്നിൽ 10+8 എം.പി കാമറ,​ വയർലെസ് പവർഷെയർ തുടങ്ങിയവയാണ് സവിശേഷതകൾ.

12 ജിബിയാണ് റാം. 128 ജിബി മുതൽ ഒരു ടിബിവരെ സ്‌റ്രോറേജുള്ള എസ്10 പ്ളസിന് 73,​900 രൂപ മുതലും 512 ജിബി,​ 128 ജിബി വേരിയന്റുകളുള്ള എസ്10ന് വില 66,​900 രൂപ മുതലും 128 ജിബി സ്‌റ്രോറേജുള്ള എസ്10ഇയ്ക്ക് വില 55,​900 രൂപയുമാണ് വില. പ്രിസം ബ്ലാക്ക്,​ വൈറ്ര്,​ ബ്ളൂ നിറങ്ങളാണുള്ളത്. മികച്ച ശബ്‌ദാനുഭവം നൽകുന്ന ഗ്യാലക്‌സി ബഡ്‌സും സാംസംഗ് വിപണിയിലിറക്കി.