കോഴിക്കോട്: വയനാട്ടിലെ ലക്കിടിയിൽ തണ്ടർബോൾട്ടുമായുണ്ടായ ഏ​റ്റുമുട്ടലിൽ മരിച്ച മാവോയിസ്റ്റ് സി.പി ജലീലിന്രെ മൃതദേഹം പോസ്​റ്റുമോർട്ടത്തിന്‌ശേഷം ബന്ധുക്കൾ ഏ​റ്റുവാങ്ങി. വെള്ളിയാഴ്ച രാവിലെ എട്ടുമണിക്ക് ആരംഭിച്ച പോസ്​റ്റുമോർട്ടം ഉച്ചയ്ക്ക് ഒരുമണിയോടെയാണ് പൂർത്തിയായത്.മെഡിക്കൽ കോളേജ് ആശുപത്രിയിലെ ഫോറൻസിക് വിഭാഗം പ്രൊഫസറും വകുപ്പ് മേധാവിയുമായ ഡോ.കെ.പ്രസന്നൻ, അസി. പ്രൊഫസർമാരായ ഡോ.എസ്.കൃഷ്ണകുമാർ, ഡോ. ടി.എം.പ്രജിത് എന്നിവരുടെ നേതൃത്വത്തിലാണ് പോസ്​റ്റുമോർട്ടം നടത്തിയത്. പോസ്​റ്റുമോർട്ടം പൂർണമായും വീഡിയോയിൽ ചിത്രീകരിച്ചിട്ടുണ്ട്.

മൃതദേഹം മോർച്ചറിയിൽ നിന്ന് പുറത്തേക്ക് കൊണ്ടുവന്നപ്പോൾ തടിച്ചുകൂടിയിരുന്ന മനുഷ്യാവകാശ പ്രവർത്തകർ മുദ്രാവാക്യം വിളിച്ച് ആവേശത്തോടെയാണ് മൃതദേഹത്തെ എതിരേ​റ്റത്. തുടർന്ന് ഗ്രോ വാസുവും മുൻ നക്സലൈ​റ്റ് നേതാവ് രാവുണ്ണിയും സംസാരിച്ചു.