ന്യൂഡൽഹി: ലോക്‌സഭാ തിരഞ്ഞെടുപ്പ് തീയതികൾ മാർച്ച് 11നോ,​ 12നോ പ്രഖ്യാപിക്കുമെന്ന് സൂചന. വരുന്ന തിങ്കളാഴ്ച യോ,​ ചൊവ്വാഴ്ചയോ തിരഞ്ഞെടുപ്പ് പ്രഖ്യാപനം ഉണ്ടാകുമെന്ന് പ്രമുഖ വാർത്താ ഏജൻസി റിപ്പോർട്ട് ചെയ്തു. സർക്കാർ പരിപാടികൾ നടത്തുന്ന വിജ്ഞാൻ ഭവൻ ഹാൾ ഈ തീയതികളിൽ തിരഞ്ഞെടുപ്പ് കമ്മിഷൻ ബുക്ക് ചെയ്തിട്ടുണ്ട്. തിരഞ്ഞെടുപ്പുമായി ബന്ധപ്പെട്ട യോഗത്തിന് ശേഷം ഇവിടെ തീയതികൾ പ്രഖ്യാപിക്കുമെന്നാണ് കരുതുന്നത്.

2014 ലെ ലോകസഭാ തിരഞ്ഞെടുപ്പ് മാർച്ച് അഞ്ചിനാണ് പ്രഖ്യാപിച്ചിരുന്നത്. കഴിഞ്ഞ മൂന്ന് പൊതുതിരഞ്ഞെടുപ്പുകളും മാർച്ച് ആദ്യ വാരമാണ് പ്രഖ്യാപിച്ചിരുന്നത്. ഇത്തവണ കഴിഞ്ഞവർഷത്തേതുപോലെ നാലുഘട്ടങ്ങളായാകും തിരഞ്ഞെടുപ്പ് നടത്തുകയെന്നാണ് കരുതുന്നത്.

തിരഞ്ഞെടുപ്പ് പ്രഖ്യാപനം നടത്തുന്ന അന്നുമുതൽ പെരുമാറ്റ ചട്ടം നിലവിൽ വരും.