ടോക്കിയോ: ജീവിതത്തിൽ ഏറ്റവും കൂടുതൽ സന്തോഷം തോന്നിയ നിമിഷം ഏതാണെന്ന് ചോദിച്ചപ്പോൾ 'ഇപ്പോൾ' എന്നായിരുന്നു കൈൻ ടനാക്ക എന്ന ജാപ്പാനീസ് മുത്തശ്ശി പറഞ്ഞത്. ലോകത്തെ ഏറ്റവും പ്രായമുളള വനിതയെന്ന ഗിന്നസ് റെക്കോർഡ് നേടിയതിനെതക്കുറിച്ചാണ് കൈൻ ടനാക്ക സൂചിപ്പിച്ചത്. 116കാരിയായ ജാപ്പനീസ് മുത്തശ്ശിയാണ് ലോകത്തെ ഏറ്റവും പ്രായമുള്ള വനിത. കൈൻ ടനാക്ക 1903 ജനുവരി 2നാണ് ജപ്പാനിൽ ജനിച്ചത്. അന്ന് തന്നെയാണ് റൈറ്റ് സഹോദരന്മാർ ആദ്യമായി വിമാനം പറത്തിയതും. ജപ്പാനിലെ ഫുക്കുവോക്കയിൽ ടനാക്ക താമസിക്കുന്ന നഴ്സിംഗ് ഹോമിൽ ആഘോഷങ്ങൾ നടന്നു.

മേയറായ സൊയിച്ചിറോ തകാഷിമ അടക്കമുളളവർ ആഘോഷത്തിൽ പങ്കെടുക്കാനെത്തി. 1922ൽ വിവാഹിതയായ കൈൻ നാല് പേർക്കാണ് ജന്മം നല്‍കിയത്. ഒരു കുട്ടിയെ ദത്തെടുക്കുകയും ചെയ്തിരുന്നു. എന്നും രാവിലെ 6 മണിക്ക് ഉണരുന്ന കൈനിന് കണക്ക് പഠിക്കാനാണ് ഏറെ ഇഷ്ടം.

കൈൻ തനാക്കയ്ക്ക് മുമ്പ് ലോകത്തിലെ ഏറ്റവും പ്രായമുള്ള വനിത എന്ന ഖ്യാതി സ്വന്തമാക്കിയത് ചിയോ മിയാക്കോ എന്ന സ്ത്രീയാണ്.