ബാഹുബലിയിലെ രാജമാതാ ശിവകാമിക്ക് ശേഷം രമ്യ കൃഷ്ണന്റെ അടുത്ത ചിത്രം സൂപ്പർ ഡീലക്സ് റിലീസിന് തയ്യാറെടുക്കുന്നു,​ വിജയ് സേതുപതി,​ ഫഹദ് ഫാസിൽ,​ സാമന്ത എന്നിവരോടൊപ്പം സൂപ്പർ ഡീലക്സിൽ അശ്‌ളീല ചിത്രങ്ങളിലെ നടിയായാണ് രമ്യാകൃഷ്മൻ എത്തുന്നത്.

ത്യാഗരാജൻ കുമാരരാജ സംവിധാനം ചെയ്യുന്ന ചിത്രത്തിന്റെ ട്രെയ്‌ലർ നേരത്തെ പുറത്തുവന്നിരുന്നു. സൂപ്പർ ഡീലക്സിനുള്ളിലെ 'മല്ലു അൺകട്ട്' എന്ന സിനിമാ ഭാഗത്തിലാണ് രമ്യ പോൺ സ്റ്റാറായി വേഷമിടുന്നത്. 'കരിയറിലെ ഏറ്റവും വെല്ലുവിളി നിറഞ്ഞ വേഷം' എന്നാണ് രമ്യ തന്റെ കഥാപാത്രത്തെക്കുറിച്ച് പറഞ്ഞത്. ഒരു സീനിനു വേണ്ടി രണ്ടു ദിവസം കൊണ്ട് 37 ടേക്ക് എടുക്കേണ്ടി വന്നതായി രമ്യ പറയുന്നു. ചില റോളുകൾ പണത്തിനു വേണ്ടിയും, ചിലത് പ്രശസ്തിക്കു വേണ്ടിയും, മറ്റുള്ളവ പാഷന് വേണ്ടിയും ആണ് ചെയ്യുന്നത്. സൂപ്പർ ഡീലക്സിലെ വേഷം പാഷന് വേണ്ടിയുള്ളതാണ്," രമ്യ പറയുന്നു.

100 മുതൽ 150 ടേക്കുകൾ വരെ എടുത്താണ് ചിത്രം പൂർത്തീകരിച്ചതെന്ന് ഇതിന്റെ തിരക്കഥാകൃത്തുക്കൾ സാക്ഷ്യപ്പെടുത്തുന്നു. നദിയ മൊയ്‌ദുവിനെ ആയിരുന്നു വേഷത്തിനായി ആദ്യം സമീപിച്ചിരുന്നത്. ചിത്രം മാർച്ച് 29ന് പുറത്തിറങ്ങും.