കുന്നംകുളം : അതിരാവിലെ വീട്ടുകിണറിനടുത്ത് പുക കണ്ട് മഞ്ഞാണെന്ന് കരുതിയ വീട്ടുകാർ ആദ്യമത് കാര്യമാക്കിയില്ല, എന്നാൽ നേരം പുലർന്നപ്പോഴാണ് മഞ്ഞല്ല കിണറിൽ നിന്നും പുകയാണ് ഉയരുന്നതെന്ന് മനസിലായത്. ഇതോടെ കേട്ടറിഞ്ഞ് കിണർ കാണുവാൻ നാട്ടുകാരുടെ ഒഴുക്കും തുടങ്ങിയ. തൃശൂർ ജില്ലയിലെ കാട്ടകാമ്പാൽ രാമപുരം മേലേയിൽ ഹംസുവിന്റെ വീട്ടുകിണറിൽ നിന്നുമാണ് പുക ഉയരുന്നത്. പുകയോടൊപ്പം കല്ല് പൊടുക്കുന്ന മണവും ഉയരുന്നുണ്ട്. എന്നാൽ കിണറിലെ വെള്ളത്തിന്റെ രുചിക്ക് വ്യത്യാസമുണ്ടായിട്ടില്ല. കിണറ്റിലേക്ക് വെള്ളം പമ്പ് ചെയ്യുമ്പോൾ പുക താഴ്ന്നുപോകുന്നുണ്ടെങ്കിലും കുറച്ച് സമയത്തിന് ശേഷം വീണ്ടും പുക ഉയരുന്നുണ്ട്.

പഞ്ചായത്ത് അധികാരികൾ സ്ഥലം സന്ദർശിച്ച് വിവരങ്ങൾ ജിയോളജി വകുപ്പ് ഉദ്യോഗസ്ഥരെ ധരിപ്പിച്ചിട്ടുണ്ട്. ഉദ്യോഗസ്ഥർ ഇന്ന് സ്ഥലം സന്ദർശിക്കുമെന്ന് അധികൃതർ അറിയിച്ചു.