കൊച്ചി: ലുലു ഫിനാൻഷ്യൽ ഗ്രൂപ്പിന്റെ ലുലു ഫിൽസ് ഇന്റർനാഷണൽ എക്‌സ്‌ചേഞ്ച്, ബാങ്കോ സെൻട്രൽ നാംഗ് ഫിലിപ്പിനാസിൽ (ബി.എസ്.പി) നിന്ന് ഇ.എം.ഐ ലൈസൻസ് സ്വന്തമാക്കി. ഇലക്‌ട്രോണിക് മാദ്ധ്യമങ്ങളിലൂടെ പണമിടപാട് നടത്താനുള്ള അനുമതിയാണിത്. പണമയയ്‌ക്കൽ, കറൻസി എക്‌സ്‌ചേഞ്ച്, ഫോൺ റീചാർജിംഗ് തുടങ്ങിയ സേവനങ്ങൾ ലഭ്യമാക്കുന്ന ലുലു ഫിൽസ് ഇന്റർനാഷണൽ എക്‌സ്‌ചേഞ്ചിന് ഇ.എം.ഐ ലൈസൻസ് ലഭിച്ചത് ഉപഭോക്താക്കൾക്ക് കൂടുതൽ മികച്ച സേവനം ലഭ്യമാക്കാൻ സഹായകമാകുമെന്ന് ലുലു ഫിനാൻഷ്യൽ ഗ്രൂപ്പ് മാനേജിംഗ് ഡയറക്‌ടർ അദീബ് അഹമ്മദ് പറഞ്ഞു.
2014 മേയിലാണ് ഫിലിപ്പീൻസിലെ മനിലയിൽ ലുലു ഫിൽസ് ഇന്റർനാഷണൽ എക്‌സ്‌ചേഞ്ചിന് തുടക്കമാകുന്നത്. നിനോയ് അക്വിനോ ഇന്റർനാഷണൽ വിമാനത്താവളത്തിലുള്ള രണ്ടുസ്ഥാപനങ്ങൾ അടക്കം അഞ്ച് ശാഖകളാണ് ഫിലിപ്പീൻസിലുള്ളത്. ലുലു ഫിനാൻഷ്യൽ ഗ്രൂപ്പിന് 11 രാജ്യങ്ങളിലായി 200ലേറെ ശാഖകളുണ്ട്.