ബംഗളുരു: കർണാടക ലോക്‌സഭാ തിരഞ്ഞെടുപ്പിൽ കോൺഗ്രസും ജെ.‌‌ഡി.എസും തമ്മിൽ സീറ്റ് ധാരണയായി. സംസ്ഥാനത്തെ 28 ൽ 20 മണ്ഡലങ്ങളിൽ കോൺഗ്രസും എട്ട് മണ്ഡലങ്ങളിൽ ജെ.ഡി.എസും മത്സരിക്കും.

ഇന്നലെ കോൺഗ്രസ് അദ്ധ്യക്ഷൻ രാഹുൽ ഗാന്ധിയും ജെ.ഡി.എസ് ജനറൽ സെക്രട്ടറി ഡാനിഷ് അലിയും നടത്തിയ ചർച്ചയിലാണ് സീറ്റ് സംബന്ധിച്ച് തീരുമാനമായത്.

2014ൽ കർണാടകയിലെ 28 ൽ പതിനാറ് സീറ്റിലാണ് ബി.ജെ.പി ജയിച്ചത്. കോൺഗ്രസ് -ജെഡിഎസ് സഖ്യത്തിന് 11 സീറ്റുമുണ്ട്.