അമിതവേഗത്തിലെത്തിയ കാർ ട്രാഫിക്ക് ഐലൻഡിൽ മറ്റ് വാഹനങ്ങളിലേക്ക് ഇടിച്ച് കയറുന്ന വീഡിയോ ദൃശ്യങ്ങൾ വൈറലാകുന്നു. സൗദി അറേബ്യയിലെ റിയാദിലാണ് സംഭവം നടന്നത്.
തിരക്കേറിയ റോഡിലൂടെ അതിവേഗത്തിൽ എത്തിയ കാർ റോഡ് മുറിച്ച് കടക്കുന്ന രണ്ട് വാഹനങ്ങൾക്ക് ഇടയിലൂടെ അതിസാഹസികമായി കടന്നുപോവുകയായിരുന്നു. ഇരുവാഹനങ്ങളിലും ഇടിക്കാതെയാണ് കാർ അപ്പുറത്തേക്ക് കടന്നുപോയത്.നിയന്ത്രണം നഷ്ടപ്പെട്ട കാർ മറുവശത്തേക്കെത്തിയപ്പോൾ റോഡരികിൽ നിറുത്തിയിട്ടിരുന്ന മറ്റ് രണ്ട് വാഹനങ്ങളിലേക്ക് ഇടിച്ച് കയറുകയായിരുന്നു. പക്ഷേ ആർക്കും ഒരപകടവും സംഭവിച്ചില്ല എന്നതാണ് കൗതുകകരമായ കാര്യം.