കൊച്ചി: ലോക്സഭ തിരഞ്ഞെടുപ്പ് അടുക്കെ കോൺഗ്രസിന് തിരിച്ചടിയായി വീണ്ടും സോളാർ വിവാദം. സോളാർ കേസുമായി ബന്ധപ്പെട്ട് മൂന്ന് എം.എൽ.എമാർക്കെതിരെ ലൈംഗിക പീഡനത്തിന് കെസടുത്തു. സോളാർ വ്യവസായം തുടങ്ങാൻ സഹായം വാഗ്ദാനം ചെയ്ത് പീഡിപ്പിച്ചെന്ന യുവതിയുടെ പരാതിയെ തുടർന്നാണ് നടപടി. കേസിൽ ക്രൈംബ്രാഞ്ച് ഇവർക്കെതിരെ കേസ് രജിസ്റ്റർ ചെയ്ത് കോടതിയിൽ സമർപ്പിച്ചു.
സോളാർ പാനലുകൾ സ്ഥാപിക്കുന്നതുമായി ബന്ധപ്പെട്ട് ടീം സോളാർ കമ്പനിയുടെ തട്ടിപ്പിന്റെ പിന്നാലെയാണ് അടുത്ത കേസ്. ജനപ്രതിനിധികളുടെ കേസുകൾ പരിഗണിക്കുന്ന കൊച്ചിയിലെ പ്രത്യേക കോടതിയിലാണ് ക്രൈംബ്രാഞ്ച് എഫ്‌.ഐ.ആർ സമർപ്പിച്ചിരിക്കുന്നത്. ലോക്‌സഭാ തിരഞ്ഞെടുപ്പിന്റെ പശ്ചാത്തലത്തിൽ കേസ് വന്നിരിക്കെ കോൺഗ്രസിന് വലിയ തിരിച്ചടിയായേക്കുമെന്നാണ് വിലയിരുത്തൽ.