ന്യൂ‌ഡൽഹി: പ്രധാനമന്ത്രി നരേന്ദ്രമോദിയെ ലോകത്തിലെ ഏകാതിപതികളോട് ഉപമിച്ച് കോൺഗ്രസ് നേതാവ് ദിഗ്‌വിജയ് സിംഗ്. അഡോൾഫ് ഹിറ്റ്‍ലറോടും ബെനിറ്റോ മുസോളനിയോടും താരതമ്യം ചെയ്താണ്  ദിഗ്‌വിജയ് സിംഗ് രംഗത്തെത്തിയിരിക്കുന്നത്. തിരഞ്ഞെടുപ്പ് അടുത്തിരിക്കുന്ന സാഹചര്യത്തിൽ ബി.ജെ.പി സർക്കാരിനെതിരെ ശക്തമായ പ്രചാരണത്തിനിറങ്ങുകയാണ് കോൺഗ്രസ്.

ലോകത്തിന് വേണ്ടത് സമാധാനവും സ്നേഹവും ആണ്. രാഹുൽ ഗാന്ധിയോട് പൂർണമായി യോജിക്കുന്നു. ന്യൂസിലൻഡിൽ നടന്ന ഭീകരാക്രമണത്തെ അപലപിച്ചതിന് പിന്നാലെയാണ് മോദിയെ ഏകാതിപതികളോട് താരതമ്യപ്പെടുത്തി ട്വീറ്റ് ഇട്ടത്. നമുക്ക് വേണ്ടത് മഹാത്മാ ഗാന്ധിയെയും മർട്ടിൻ ലൂഥർ കിങിനെയും പോലുള്ളവരാണ് അല്ലാതെ ഹിറ്റ്ലറിനെയും മോദിയേയും പോലുള്ളവരല്ല. ദിഗ്‌വിജയ് സിംഗ് ട്വിറ്ററിൽ കുറിച്ചു.

ന്യൂസിലൻഡിൽ നടന്ന ഭീകരാക്രമണത്തെ പ്രധാനമന്ത്രി അപലപിച്ചിരുന്നു. ന്യൂസിലൻഡിലെ ജനങ്ങൾക്കൊപ്പമാണ് ഇന്ത്യയെന്ന് അദ്ദേഹം പറഞ്ഞിരുന്നു. മുസ്ലീം പള്ളികൾക്ക് നേരെയുണ്ടായ ഭീകരരുടെ വെടിവയ്പിൽ കൊല്ലപ്പെട്ടവരിൽ ഒരു ഇന്ത്യാക്കാരനുമുണ്ടെന്ന് വിദേശകാര്യമന്ത്രാലയത്തിന്റെ സ്ഥിരീകരണം. എന്നാൽ 6 ഇന്ത്യൻ വംശജരെ കാണാനില്ലെന്നും റിപ്പോർട്ടുണ്ട്.

I totally agree with Rahul ji. World needs the Doctrine of Love Peace and Compassion promoted by Sanatan Dharm Gautam Budha and Mahavir and not that of Hatred and Violence. We need Mahatma Gandhis Martin Luther Kings and not Hitlers Mussolinis and Modis. https://t.co/Q9Ay0Ro5Tj

— digvijaya singh (@digvijaya_28) March 16, 2019