ന്യൂ​ഡ​ൽ​ഹി: പ​ദ്മ പുരസ്കാരം ഏറ്റുവാങ്ങുന്നതിനിടയിൽ രാഷ്ട്രപതിക്ക് 'വൃക്ഷമാതാവിന്റെ അനുഗ്രഹം.പ്രോട്ടോക്കോൾ മറന്ന് രാഷ്ട്രപതി നിറഞ്ഞ മനസോടെ അനുഗ്രഹം സ്വീകരിക്കുകയും ചെയ്തു. സാധാരണ പത്മ പുരസ്കാരങ്ങൾ സ്വീ​ക​രി​ക്കു​ന്ന​വ​ർ രാ​ഷ്‌​ട്ര​പ​തി​യെ ബ​ഹു​മാ​നി​ച്ചു വേ​ദി വി​ടു​കയാണ് പ​തി​വ്. എന്നാൽ വൃ​ക്ഷ​മാ​താ​യെ​ന്ന് അ​റി​യ​പ്പെ​ടു​ന്ന​ കർണാടക സ്വദേശി ശാ​ലു​മ​ര​ഡ തിമ്മക്ക എന്ന 107കാരി ഏവരെയും അമ്പരപ്പിക്കുകയായിരുന്നു.

ബ​ഹു​മ​തി സ്വീ​ക​രി​ച്ച തി​മ്മ​ക്ക രാ​ഷ്‌​ട്ര​പ​തി രാംനാ​ഥ് കോ​വി​ന്ദി​നെ ത​ല​യി​ൽ കൈ​വ​ച്ച് അ​നു​ഗ്ര​ഹിക്കുകയായിരുന്നു. പ്ര​ധാ​ന​മ​ന്ത്രി ന​രേ​ന്ദ്രമോ​ദി​യും കേ​ന്ദ്ര​മ​ന്ത്രി​മാർ ഉൾ​പ്പെ​ടുന്ന സ​ദ​സ് തി​മ്മ​ക്കയുടെ നിഷ്കളങ്കമായ മനസിനെ ഹസ്താരവങ്ങളോടെയായിരുന്നു സ്വീകരിച്ചത്. രാ​ഷ്‌​ട്ര​പ​തി ഭ​വ​നി​ലെ സു​ര​ക്ഷാ ഭ​ട​നാണ് ബഹുമതി സ്വീകരിക്കാനായി തിമ്മക്കയെ വേദിയിലേക്ക് കൈ​പി​ടി​ച്ചു കയറ്റിയത്.

ബ​ഹു​മ​തി പ​ത്രം ന​ൽ​കി​യ രാംനാ​ഥ് കോ​വി​ന്ദ് ഫോട്ടോ എടുക്കുന്നതിനായി കാമ​റ​യി​ലേ​ക്കു നോ​ക്കാ​ൻ ആ​വ​ശ്യ​പ്പെ​ട്ട​പ്പോ​ഴാണ് തിമ്മക്കയിലെ അ​മ്മ മ​ന​സ് ഉ​ണ​ർ​ന്ന​ത്. ത​ന്നോ​ടു സം​സാ​രി​ക്കാ​ൻ ത​ല​കു​നി​ച്ച രാം​നാ​ഥ് കോ​വി​ന്ദി​ന്റെ ശി​ര​സി​ൽ കൈ​വ​ച്ച് അ​നു​ഗ്ര​ഹി​ക്കുകയായിരുന്നു തി​മ്മ​ക്ക.നിറമനസ്സോടെയാണ് തിമ്മക്കയുടെ അനുഗ്രഹം രാഷ്ട്രപതി സ്വീകരിച്ചത്.

ക​ർ​ശനമായ പ്രോ​ട്ടോകോ​ൾ പ്ര​കാ​രം ന​ട​ത്തു​ന്ന ച​ട​ങ്ങിൽ ഇ​ളം​പ​ച്ച നി​റ​ത്തി​ലു​ള്ള സാ​രി ധ​രി​ച്ച് നെ​റ്റി​യി​ൽ വി​ഭൂ​തി​യും തി​ല​ക​വും അ​ണി​ഞ്ഞാ​ണ് തി​മ്മ​ക്ക​യെ​ത്തി​യ​ത്. 400 പേ​രാ​ലു​ക​ൾ ഉ​ൾ​പ്പെ​ടെ 8000 വൃ​ക്ഷ​ത്തൈ​ക​ൾ ന​ട്ടു​പ​രി​പാ​ലി​ച്ച​തി​നാ​ണു രാ​ഷ്‌​ട്രം ന​ൽ​കു​ന്ന സി​വി​ലി​യ​ൻ ബ​ഹു​മ​തി​ക്കു തി​മ്മ​ക്ക​യെ തെ​ര​ഞ്ഞെ​ടു​ത്ത​ത്.

വി​വാ​ഹം ക​ഴി​ഞ്ഞ് വർഷങ്ങൾ കഴിഞ്ഞിട്ടും കു​ട്ടി​ക​ൾ ഉ​ണ്ടാ​കാ​ത്ത​തി​ൽ മനംനൊന്ത് നാ​ൽ​പ്പ​താം വ​യ​സി​ൽ തിമ്മക്ക ആ​ത്മ​ഹ​ത്യ​യ്ക്കു ശ്രമിച്ചിരുന്നു. എ​ന്നാ​ൽ ഭ​ർ​ത്താ​വി​ന്റെ പി​ന്തു​ണ​യോ​ടെ ജീവിത്തിലേക്ക് തിരികെയെത്തിയ തിമ്മക്ക പി​ന്നീ​ടു പ്ര​കൃ​തി​ സം​ര​ക്ഷ​ണ​ത്തി​ലേ​ക്ക് തി​രി​യുകയായിരുന്നു.

പ​ക​ൽ മു​ഴു​വ​ൻ ജോ​ലി ചെ​യ്ത​ശേ​ഷം ഇരുവരും ചേർന്ന് വൈ​കി​ട്ട് വ​ഴി​യ​രി​കി​ലും പൊ​തു​സ്ഥ​ല​ങ്ങ​ളി​ലും മ​രം വ​ച്ചു​പി​ടി​പ്പി​ക്കാ​ൻ തു​ട​ങ്ങി. ആദ്യ വർഷം പത്തു വൃക്ഷത്തൈകളായിരുന്നു വച്ചു പിടിപ്പിച്ചത്. പിന്നീട് ഓരോ വർഷവും തൈകളുടെ എണ്ണം കൂട്ടുകയും ചെയ്തു. എന്നാൽ മറ്റുള്ളപരെ പോലെ വെറുതെ തൈകൾ വച്ച് പോവുകയല്ല അതിന് വെള്ളമൊഴിച്ച് പരിപാലിക്കുകയും ചെയ്തു.

ദി​വ​സ​വും നാ​ലു കി​ലോ​മീ​റ്റ​റി​ലേ​റെ വെ​ള്ളം ചു​മ​ന്നു​ കൊ​ണ്ടുപോ​യി തൈ​ക​ൾ​ക്കു ന​ന​ച്ച് പരിപാലിക്കുകയും ചെയ്തിട്ടുണ്ട് തി​മ്മ​ക്ക. കഴിഞ്ഞ 65 വ​ർ​ഷം കൊ​ണ്ട് 8000ലേ​റെ വൃ​ക്ഷ​ങ്ങ​ളാണ് തിമ്മക്ക വച്ച് പിടിപ്പിച്ചത്. ഇ​ന്നു ഹു​ളി​ക്ക​ൽ മേ​ഖ​ല​യി​ൽ തി​മ്മ​ക്ക​യും ഭ​ർ​ത്താ​വും ചേ​ർ​ന്നു ന​ട്ടു​വ​ള​ർ​ത്തി​യ​ വൃക്ഷങ്ങൾ ഇന്നും മനുഷ്യന് തണലും ഒരുപാട് ജീവജാലങ്ങളുടെ വാസകേന്ദ്രവുമായി നിലനിൽക്കുന്നു.