ന്യൂഡൽഹി: ട്വിറ്ററിലെ പേരിനൊപ്പം 'ചൗക്കീദാർ' എന്ന് കൂട്ടിച്ചേർത്ത പ്രധാനമന്ത്രി നരേന്ദ്ര മോദിയെ വിമർശിക്കുന്ന കൗമാരക്കാരന്റെ വീഡിയോ ഏറ്റെടുത്ത് സോഷ്യൽ മീഡിയ. ഒരു സ്വകാര്യ ചാനലിന്റെ പരിപാടിക്കിടെയാണ് പ്രധാനമന്ത്രിയെ രൂക്ഷമായി വിമർശിച്ച് കൗമാരക്കാരൻ രംഗത്തെത്തിയത്. 'ചിലപ്പോൾ നിങ്ങൾ ഈ രാജ്യത്തെ ചെറുപ്പക്കാരോട് പക്കവട ഉണ്ടാക്കാൻ പറയുന്നു. മറ്റ് ചിലപ്പോൾ കാവൽക്കാരെ കുറിച്ച് പറയുന്നു. ഞങ്ങൾക്ക് വേണമെങ്കിൽ ഒരു കാവൽക്കാരനെ നേപ്പാളിൽ നിന്ന് കിട്ടും. രാജ്യത്തിന് ആവശ്യമുള്ളത് കാര്യശേഷിയുള്ള പ്രധാനമന്ത്രിയെയാണ്, കാവൽക്കാരനെയല്ല കൗമാരക്കാരൻ പറഞ്ഞു. ബി.ജ.പി വക്താവിനെ സ്റ്റേജിലിരുത്തിയായിരുന്നു കൗമാരക്കാരൻ മോദിയെ രൂക്ഷമായി വിമർശിച്ചത്.

'2014ന് മുൻപ് ഇന്ത്യ പാമ്പാട്ടികളുടെ നാടായിരുന്നു എന്നാണ് പ്രധാനമന്ത്രി പറഞ്ഞത്. എന്നാൽ പ്രധാനമന്ത്രി ജനിച്ചപ്പോൾ ശാസ്ത്ര വിദ്യഭ്യാസത്തിനായി ഇന്ത്യ ഹോമി ഭാഭ സെന്റർ സ്ഥാപിച്ചിരുന്നു. അദ്ദേഹം കുട്ടിയായിരുന്നപ്പോൾ, ഗില്ലി ദണ്ട കളിച്ചു നടക്കുന്ന സമയത്ത് ഇന്ത്യ ഭക്രാ നംഗൽ അണക്കെട്ട് പണിതിട്ടുണ്ട്.കൗമാരക്കാരന്റെ വാക്കുകൾ നിറഞ്ഞ കയ്യടികളോടെയാണ് സദസ്സ് സ്വീകരിച്ചത്. കഴിഞ്ഞ എഴുപത് വർഷങ്ങൾ കൊണ്ട് ഇന്ത്യ ഒരു നേട്ടവും സ്വന്തമാക്കിയില്ല എന്ന മോദിയുടെ വാദത്തേയും കൗമാരക്കാരൻ ചോദ്യം ചെയ്തു.

In just 26 seconds, this guy has exposed @narendramodi on his failure to create jobs, called out his Chowkidaar gimmick and reminded Modi that he is a PM, asked him to stop lying that Congress hasn't done anything for the country.

Wow! Must watch and RT pic.twitter.com/uOhBUyA2US

— Srivatsa (@srivatsayb) March 17, 2019