രാമായണത്തെ കുറിച്ച് ഉപന്യാസം എഴുതാനായി മലയാളം പരീക്ഷയുടെ ചോദ്യത്തിന് ഉത്തരം ഒരു ന്യൂജൻ സിനിമ തിരക്കഥയാക്കി അവതരിപ്പിച്ച വിരുതനാണ് സോഷ്യൽ മീഡിയയിൽ താരമായി മാറുന്നത്. രാമായണത്തെകുറിച്ചുള്ള ചോദ്യത്തിന് സമീപകാലത്തെ വമ്പൻ ഹിറ്റുകളായ ബാഹുബലിയും,കെജിഎഫും,പുലിമുരുകനും കൂട്ടിക്കുഴച്ച് തീപ്പോരി സംഭാഷണങ്ങൾ കൊണ്ട് ഉത്തരപേപ്പറിൽ നിറച്ചിരിക്കുകയാണ് ഈ വിദ്വാൻ. സിനിമാ തിരക്കഥകളെ അനുസ്മരിപ്പിക്കുന്ന ഉത്തരകടലാസ് സിനിമാമേഖലയിലുള്ള നിരവധിപേരാണ് ഫേസ്ബുക്കിൽ പങ്കുവച്ചിരിക്കുന്നത്.

സീതയുടെ ചാരിത്ര്യത്തെ സംശയിച്ചവരുടെ തലയാണ് കൊയ്യേണ്ടതെന്ന തീപ്പൊരി ഡയലോഗിലൂടെയാണ് എഴുത്ത് ആരംഭിക്കുന്നത്. രാക്ഷസ രാജാവായ രാവണനെ എല്ലാ ലക്ഷണവുമൊത്ത വില്ലനായി അവതരിപ്പിച്ചിക്കുന്നു. രാവണന് മോൺസ്റ്റർ പട്ടം ചാർത്തി നൽകി കെ.ജി.എഫ് റോൾ നൽകിയപ്പോൾ വാനരക്കൂട്ടവുമായി ലങ്കയിലേക്ക് പോരിന് പോയ രാമൻ ഗ്യാങ്സ്റ്റാറാവുകയാണ് ഇവിടെ. സോഷ്യൽ മീഡിയ ഷെയറിൽ ഹൗസ് ഫുള്ളായി പ്രദർശനം തുടരുമ്പോൾ പാവം വിദ്യാർത്ഥിക്ക് അദ്ധ്യാപകൻ നൽകിയത് ഒരു മാർക്ക് മാത്രമാണ് അതും എൺപതിന്.