കണ്ണൂർ: കണ്ണൂർ തളിപ്പറമ്പിൽ ആർ.എസ്.എസ് പ്രവർത്തകൻ ഷിബുവിന്റെ വീടിന് സമീപം ബോംബ് പൊട്ടിത്തെറിച്ച് രണ്ട് കുട്ടികൾക്ക് ഗുരുതര പരിക്ക്. കതിരുമ്മൽ ഷിബുവിന്റെ മകൻ എം.എസ് ഗോകുൽ(8)​,​ ശിവകുമാറിന്റെ മകൻ കാഞ്ചിൻ കുമാർ(12)​ എന്നിവർക്കാണ് പരിക്കേറ്റത്.

പക്ഷിക്കൂട്ടിൽ ഒളിപ്പിച്ചിരുന്ന ബോംബ് താഴേക്ക് വീണ് പൊട്ടിത്തെറിക്കുകയായിരുന്നു. സ്ഫോടനത്തിൽ ഗോകുലിന്റെ ജനനേന്ദ്രിയം തകർന്ന നിലയിലാണ്. പൊലീസും ബോംബ് സ്ക്വാഡും സ്ഥലത്തെത്തി പരിശോധന നടത്തി. കുട്ടികൾക്ക് തളിപ്പറമ്പ് സഹകരണ ആശുപത്രിയിൽ പ്രാഥമിക ചികിത്സ നൽകി കണ്ണൂർ കൊയിലി ആശുപത്രിയിലേക്കു മാറ്റിയിരിക്കുകയാണ്.