ന്യൂഡൽഹി:വൈസ് അഡ്‌മിറൽ കരംബീർ സിംഗിനെ നാവിക സേനയുടെ അടുത്ത മേധാവിയായി കേന്ദ്രസർക്കാർ നിയമിച്ചു. ഇപ്പോൾ കിഴക്കൻ നാവിക കമാൻഡിന്റെ ഫ്ലാഗ് ഓഫീസർ കമാൻഡിംഗ് - ഇൻ - ചീഫ് ആണ് അദ്ദേഹം. നാവിക സേനാ മേധാവിയായി മൂന്ന് വർഷത്തെ സേവനത്തിന് ശേഷം അഡ്മിറൽ സുനിൽ ലാംബ മേയ് 31 ന് വിരമിക്കുമ്പോൾ കരംബീർ സിംഗ് ചുമതല ഏൽക്കും. ഇന്ത്യൻ നാവികസേനയുടെ 24ാമത് മേധാവിയാണ് അദ്ദേഹം.

കരംബീർ സിംഗ്

 1980ൽ നേവിയിൽ ചേർന്നു

 39 വർഷത്തെ സേവനം

 1982ൽ ഹെലികോപ്റ്റർ പൈലറ്റ്

 ചേതക്, കാമോവ് കോപ്ടറുകൾ പറത്തുന്നതിൽ വിദ്ഗദ്ധൻ

 ഐ. എൻ. എസ് വിജയദുർഗ,ഐ. എൻ. എസ് റാണ എന്നീ കപ്പലുകളുടെ കമാൻഡറായിരുന്നു

 വെസ്റ്റേൺ ഫ്ലീറ്റിന്റെ ഓപ്പറേഷൻസ് ഓഫീസർ ഉൾപ്പെടെ നിരവധി പദവികൾ വഹിച്ചു

 അതിവിശിഷ്‌ട സേവാ മെഡലും പരമ വിശിഷ്‌ട സേവാമെഡലും ലഭിച്ചിട്ടുണ്ട്.