ന്യൂഡൽഹി: നടിയും നർത്തകിയുമായ സപ്‌ന ചൗധരി കോൺഗ്രസിൽ ചേർന്നെന്ന വാർത്തകൾക്ക് പിന്നാലെ രാഹുൽ ഗാന്ധിക്കും സോണിയാഗാന്ധിക്കുമെതിരെ അശ്ലീല പരാമർശവുമായി ബി.ജെ.പി എം.എൽ.എ രംഗത്തെത്തി. ഉത്തർപ്രദേശ് എം.എൽ.എ സുരേന്ദ്ര സിംഗാണ് ഇരുവർക്കെതിരെയും അശ്ലീല പരാമർശം നടത്തിയത്.

സപ്‌ന ചൗധരിയെ സോണിയാ ഗാന്ധിയോട് ഉപമിച്ച എം.എൽ.എ രണ്ടു പേർക്കും ഒരേ തൊഴിലാണെന്നും കൂട്ടിച്ചേർത്തു. രാഹുലിന്റെ അച്ഛൻ അമ്മയെ സ്വീകരിച്ചത് പോലെ രാഹുലും സപ്‌നയെ സ്വീകരിക്കണം. രാഷ്ട്രീയക്കാരിൽ വിശ്വാസം നഷ്ടപ്പെട്ട രാഹുൽ നർത്തകരെ രാഷ്ട്രീയക്കാരാക്കാൻ തീരുമാനിച്ചതിൽ താൻ സന്തോഷിക്കുന്നു എന്ന് സുരേന്ദ്ര സിംഗ് പറഞ്ഞു.

നർത്തകിമാരെ ഒരിക്കലും രാഷ്ട്രീയക്കാരായി ഈ രാജ്യം അംഗീകരിക്കില്ല. പ്രത്യേകിച്ചും സദാചാരമൂല്യങ്ങളുള്ള സത്യസന്ധനായ നരേന്ദ്രമോദി രാജ്യം ഭരിക്കുമ്പോൾ ഒരിക്കലും അത് അംഗീകരിക്കില്ല. രാഹുൽ സപ്‌നയെ വിവാഹം കഴിക്കണമെന്നും ഭാര്യയും അമ്മയും ഒരു തൊഴിലും സംസ്‌കാരവും ഉള്ളവരാകുമ്പോൾ അത് വളരെ സന്തോഷമുള്ള ജീവിതമായിരിക്കുമെന്നും എം.എൽ.എ മാദ്ധ്യമങ്ങളോട് പറഞ്ഞു.

സ്വപ്‌ന ചൗധരി കോൺഗ്രസിൽ ചേർന്നതായി നേരത്തേ വാർത്തകൾ പ്രചരിച്ചിരുന്നു.എന്നാൽ ഇത് നിഷേധിച്ച് അവർ തന്നെ രംഗത്തെത്തുകയായിരുന്നു. ഈ പശ്ചാത്തലത്തിലാണ് എം.എൽ.എ ഇരുവർക്കുമെതിരെ വിവാദ പ്രസ്താവന നടത്തിയത്. എം.എൽ.എയുടെ പ്രസ്താവനയ്‌ക്കെതിരെ സാമൂഹ്യ മാധ്യമങ്ങളിൽ വലിയ വിമർശനങ്ങൾ ഉയരുകയാണ്.

#WATCH BJP MLA Surendra Singh on dancer Sapna Chaudhary joins Congress: Rahul ji ki Mata ji bhi Italy mein isi peshe se thi.Jaise aapke pitaji ne Sonia ji ko apna bana liya tha, aap bhi Sapna ko apna banaye.Sabse acchi baat hai saas aur bahu ek hi peshe aur culture se rahengi pic.twitter.com/HK5XCWcuL6

— ANI UP (@ANINewsUP) March 24, 2019