ന്യൂഡൽഹി: കോൺഗ്രസിന്റെ ഉരുക്കുകോട്ടയായ റായ്ബറേലിയിൽ യു.പി.എ അദ്ധ്യക്ഷ സോണിയാ ഗാന്ധിയ്ക്കെതിരെ ശക്തമായ മത്സരത്തിന് കളമൊരുക്കാൻ ബി.ജെ.പി. ന്യൂഡൽഹി എം.പിയായ മീനാക്ഷി ലേഖിയെ സ്ഥാനാർത്ഥിയാക്കാനാണ് ബി.ജെ.പിയുടെ നീക്കം. . ഇന്ന് ചേരുന്ന ബിജെപി തിരഞ്ഞെടുപ്പ് സമിതി യോഗം ഇക്കാര്യത്തിൽ അന്തിമതീരുമാനമെടുക്കും. 2014ൽ ബി.ജെ.പി തരംഗത്തിനിടയിലും റായ്ബറേലിയിൽ സോണിയഗാന്ധി മൂന്നരലക്ഷത്തിലധികം വോട്ടിന്റെ ഭൂരിപക്ഷത്തിൽ ബി.ജെ.പി സ്ഥാനാർത്ഥിയെ പരാജയപ്പെ

ടുത്തിയിരുന്നു.

ഇത്തവണ രാഹുൽ ഗാന്ധിയുടെ അമേതിയും സോണിയയുടെ റായ്ബറേലിയും പിടിച്ചടക്കണമെന്ന ബി.ജെ.പിയുടെ തീരുമാനത്തിന് പിന്നാലെയാണ് മീനാക്ഷി ലേഖിയുടെ പേര് നിർദ്ദേശിച്ചത്. ഒന്നരലക്ഷത്തിലധികം വോട്ടിനാണ് ന്യൂഡൽഹിയിൽ മീനാക്ഷി ലേഖി ആംആദ്മി പാർട്ടിയുടെ ആശിഷ് ഖേതനെ 2014 പരാജയപ്പെടുത്തിയത്.

അമേതിയിൽ സ്മൃതി ഇറാനിയെയാണ് രാഹുലിനെതിരെ ഇത്തവണയും ബി.ജെ.പി മത്സരിപ്പിക്കുന്നത്. 2014-ല്‍ ഒരു ലക്ഷത്തിലധികം വോട്ടിന്റെ ഭൂരിപക്ഷത്തിനായിരുന്നു രാഹുൽ സ്മൃതി ഇറാനിയെ പരാജയപ്പെടുത്തിയത്.