തൃശൂർ: സിനിമ നിർമ്മാതാവും പ്രൊഡക്ഷൻ കൺട്രോളറുമായ ഷഫീർ സേട്ട് (44) അന്തരിച്ചു. ഇന്ന് പുലർച്ചെ കൊടുങ്ങല്ലൂർ മോഡേൺ ആശുപത്രിയിൽ വച്ച് ഹൃദയാഘാതം മൂലമാണ് മരണം. ആത്മകഥ, ചാപ്റ്റേഴ്സ്, ഒന്നും മിണ്ടാതെ തുടങ്ങിയ ചിത്രങ്ങളുടെ നിർമാതാവാണ്.

പരുന്ത്, കഥപറയുമ്പോൾ തുടങ്ങി ഏഴോളം ചിത്രങ്ങളിൽ പ്രൊഡക്ഷൻ കണ്ട്രോളറായും പ്രൊഡക്ഷൻ എക്സിക്യൂട്ടീവ്, എക്സിക്യൂട്ടീവ് പ്രൊഡ്യൂസർ എന്നീ നിലകളിലും പ്രവർത്തിച്ചു. ഭാര്യ: ഐഷ. മക്കൾ: ദിയ ഖുൽബാൻ, ദയാൽ ഖുൽബാൻ. ഖബറടക്കം ഇന്ന് വൈകീട്ട് 4.30ന് കൊടുങ്ങല്ലൂർ ചേരമാൻ ജുമാ മസ്ജിദിൽ നടക്കും.