തിരുവനന്തപുരം: തിരഞ്ഞെടുപ്പ് പ്രചാരണം തുടങ്ങിയതോടെ നേതാക്കൾ തമ്മിലുള്ള സോഷ്യൽ മീഡിയ പോരുകൾ മുറുകി വരികയാണ്. പലപ്പോഴും മന്ത്രി എം.എം മണിയുടെ ട്രോളുകൾ സോഷ്യൽ മീഡിയയിൽ ഏറെചർച്ച ചെയ്യാപ്പെടാറുമുണ്ട്. ഇപ്പോൾ മുൻ എം.പിയും കോൺഗ്രസ് നേതാവുമായ പീതാബരക്കുറുപ്പിനെതിരെയാണ് മന്ത്രി രംഗത്തെത്തിയിരിക്കുന്നത്.

കഴിഞ്ഞ ദിവസം മന്ത്രി മണിയുടെ നിറത്തെ പരാമർശിച്ച് കൊണ്ട് പീതാബരക്കുറുപ്പ് നടത്തിയ പ്രസ്താവന വിവാദമായിരുന്നു. പ്രളയത്തിന്റെ കാരണക്കാരൻ ബ്ലാക്ക് മണിയാണെന്നായിരുന്നു പീതാംബരക്കുറുപ്പിന്റെ പരാമർശം. ഡാമുകൾ ഒന്നിച്ചുതുറന്നുവിടാൻ കാരണക്കാരൻ എം.എം.മണിയാണെന്ന് പീതാബരക്കുറുപ്പ് പറഞ്ഞിരുന്നു. ഇതിനെതിരെയാണ് മന്ത്രി രംഗത്തെത്തിയിരിക്കുന്നത്. ‘കക്ഷിക്ക് ‘ ബ്ലാക്ക്’ പണ്ടേ പഥ്യമല്ല; ‘ബാക്ക്’ ആണ് പഥ്യം.’ എന്നായിരുന്നു എം.എം മണിയുടെ ഫെയ്സ്ബുക്കിൽ കുറിച്ചത്.

മിനുട്ടുകൾക്കകം മണിയുടെ കുറിപ്പ് സോഷ്യൽ മീഡിയയിൽ വെെറലായി. പേരെടുപ്പ് വിമർശിക്കാതെയുള്ള പോസ്റ്റ് സഖാക്കൾ ഏറ്റെടുത്തിരിക്കുകയാണ്. മുമ്പ് ഒരു ചടങ്ങിനിടെ സിനിമയിലെ ഒരു താരത്തിന്റെ അപമാനിച്ചെന്ന വിവാദത്തിൽ പീതാംബരക്കുറിപ്പ് പെട്ടിരുന്നു. ഇക്കാര്യം സൂചിപ്പിച്ചാണ് മന്ത്രിയുടെ മറുപടി.