ശ്രീനഗർ: ജമ്മുകാശ്മീരിൽ രണ്ടിടങ്ങളിലായി സൈന്യവുമായുണ്ടായ ഏറ്റുമുട്ടലിൽ നാല് ഭീകരർ കൊല്ലപ്പെട്ടു. ഷോപ്പിയാനിൽ മൂന്ന് ഭീകരരും ഹന്ദ്വാരയിൽ ഒരു ഭീകരനുമാണ് കൊല്ലപ്പെട്ടത്.

പ്രദേശത്ത് ഭീകരരുടെ സാന്നിദ്ധ്യമുണ്ടെന്ന രഹസ്യവിവരത്തെ തുടർന്നായിരുന്നു സൈന്യം തിരച്ചിൽ നടത്തിയത്. ഇന്നലെ രാവിലെ ഷോപ്പിയാനിൽ ഭീകരരുടെ വെടിയേറ്റ് ഒരു പ്രദേശവാസി കൊല്ലപ്പെട്ടിരുന്നു. ബമ്നിപ്പോറ സ്വദേശി തൻവീർ അഹമ്മദ് ദറാണ് കൊല്ലപ്പെട്ടത്.