ന്യൂഡൽഹി: അധികാരത്തിലെത്തിയാൽ ആസൂത്രണ കമ്മിഷന് പകരം നരേന്ദ്രമോദി സർക്കാർ കൊണ്ടുവന്ന നീതി ആയോഗ് പിരിച്ചുവിടുമെന്ന് കോൺഗ്രസ് അദ്ധ്യക്ഷൻ രാഹുൽ ഗാന്ധി. ആസൂത്രണ കമ്മിഷൻ പുനഃസ്ഥാപിക്കുമെന്നും രാഹുൽ ഗാന്ധി അറിയിച്ചു.

തൊഴിലവസരങ്ങൾ സൃഷ്ടിക്കുക, കാർഷിക ദുരിതത്തിന് അറുതി വരുത്തുക, വിദ്യാഭ്യാസ- ആരോഗ്യ മേഖലകളെ കൂടുതൽ ശക്തിപ്പെടുത്തുക തുടങ്ങിയവക്ക് പ്രാധാന്യം നൽകി കൊണ്ടുള്ള കോൺ​ഗ്രസിന്റെ പ്രകടന പത്രിക ഉടൻ പുറത്തിറങ്ങുമെന്ന് കോൺ​ഗ്രസ് അദ്ധ്യക്ഷൻ രാഹുൽ ​ഗാന്ധി. പിടിഐക്ക് നൽകിയ അഭിമുഖത്തിൽ പറഞ്ഞിരുന്നു.

വിദ​ഗ്ദരോടും ജനങ്ങളോടും ചർച്ച ചെയ്താണ് പ്രകടന പത്രിക തയ്യാറാക്കിയിരിക്കുന്നതെന്ന് രാഹുൽ പറഞ്ഞു.​ കോൺ​ഗ്രസിന്റെ പ്രകടന പത്രികയിൽ പ്രതിഫലിക്കുക ഒരു വ്യക്തിയുടെ കാഴ്ചപ്പാടല്ല മറിച്ച് ജനങ്ങളുടെ ശബ്ദമായിരിക്കും. മെന്നും രാഹുൽ പറഞ്ഞു. മോദിയുടെ വ്യാജ വാ​ഗ്ദാനങ്ങൾ ജനങ്ങൾ മനസിലാക്കി കഴിഞ്ഞുവെന്നും തിരഞ്ഞെടുപ്പിൽ വിജയിച്ച് കോൺ​ഗ്രസ് അധികാരത്തിലേറുമെന്നും രാഹുൽ അവകാശപ്പെട്ടു.

കോൺഗ്രസിന്റെ പ്രകടന പത്രിക അടുത്തയാഴ്ച പുറത്തിറങ്ങുമെന്നാണ് റിപ്പോർട്ട്.