മോഹൻലാലിനെ നായകനാക്കി യുവതാരം പൃഥ്വിരാജ് സംവിധാനം ചെയ്ത ചിത്രമാണ് ലൂസിഫർ. കഴിഞ്ഞ ദിവസം തിയേറ്ററിലെത്തിയ ചിത്രത്തിന് മികച്ച പ്രതികരണമാണ് ലഭിക്കുന്നത്. മലയാള സിനിമ ചരിത്രത്തിലെ മോഹൻലാലിന്റെ ഒരു മാസ് ചിത്രമായാണ് ലൂസിഫറെ ആരാധകർ വിലയിരുത്തുന്നത്. ചിത്രത്തിന്റെ അണിയറപ്രവർത്തകരെ അഭിനന്ദിച്ച് സംവിധായകൻ പ്രിയദർശൻ രംഗത്തെത്തിയിരുന്നു.

'ലൂസിഫർ മലയാളത്തിലെ ഒരു മാസ് സിനിമയാണ്. മോഹൻലാലിനും പൃഥ്വിരാജിനും മുരളി ഗോപിക്കും അഭിനന്ദനങ്ങൾ'. പ്രിയദർശൻ ഫേസ്ബുക്കിൽ കുറിച്ചു. ഇതേതുടർന്ന് നന്ദി അറിയിച്ച് പൃഥ്വിരാജും മുരളി ഗോപിയും രംഗത്തെത്തി. 'ഇതൊരു അവാർഡിന് തുല്യമാണ്, ഞാനൊരു സംവിധായകനാവാനുള്ള കാരണക്കാരിലൊരാൾ നിങ്ങളാണ്'. പൃഥ്വിരാജ് മറുപടിയായി ഫേസ്ബുക്കിൽ കുറിച്ചു.

ചിത്രത്തിന്റെ തിരക്കഥാകൃത്ത് മുരളി ഗോപിയും പ്രിയദർശന്റെ അഭിനന്ദനങ്ങൾക്ക് നന്ദി അറിയിച്ചു. 'മാസ് സിനിമകളുടെ അതികായനിൽ നിന്നുള്ള പ്രശംസ ലൂസിഫറിന് ലഭിച്ച മഹത്തായ വിലയിരുത്തലാണ്. താങ്കളുടെ അഭിനന്ദനത്തിന് നന്ദി'. മുരളി ഗോപി ഫേസ്ബുക്കിൽ കുറിച്ചു.

ആ​ശീ​ർ​വാ​ദ് ​സി​നി​മാ​സി​ന്റെ​ ​ബാ​ന​റി​ൽ​ ​ആ​ന്റ​ണി​ ​പെ​രു​മ്പാ​വൂ​ർ​ ​നി​ർ​മ്മി​ക്കു​ന്ന​ ​ലൂ​സി​ഫ​റി​ന്റെ​ ​ര​ച​ന​ ​നി​ർ​വ​ഹി​ച്ചത് ​മു​ര​ളി​ഗോ​പി​യാ​ണ്.​ ​കാ​മ​റ​:​ ​സു​ജി​ത് ​വാ​സു​ദേ​വ്. വി​വേ​ക് ​ഒ​ബ്രോ​യ് ,​ ​ടൊ​വി​നോ​ ​തോ​മ​സ്,​ ​ഇ​ന്ദ്ര​ജി​ത്ത്,​ ​ക​ലാ​ഭ​വ​ൻ​ ​ഷാ​ജോ​ൺ,​ ​ബൈ​ജു​ ​സ​ന്തോ​ഷ്,​ ​ജോ​ൺ​ ​വി​ജ​യ്,​ ​സു​രേ​ഷ്ച​ന്ദ്ര​മേ​നോ​ൻ,​ ​മ​ഞ്ജു​വാ​ര്യ​ർ,​ ​സാ​നി​യ​ ​ഇ​യ്യ​പ്പ​ൻ,​ ​ഷോ​ൺ​ ​റോ​മി​ ​തു​ട​ങ്ങി​യ​വ​രും​ ​ചിത്രത്തിൽ തകർപ്പൻ പ്രകടനമാണ് കാഴ്ചവച്ചിരിക്കുന്നത്.