കൊ​ൽ​ക്ക​ത്ത : ഇന്നലെ നടന്ന രണ്ടാം ഐ.പി.എൽ മത്സരത്തിൽ വിജയിയെ നിശ്ചയിച്ചത് സൂപ്പർ ഒാവർ. ആദ്യം ബാറ്റ് ചെയ്ത കൊൽക്കത്ത നിശ്ചിത 20 ഒാവറിൽ 185/8 എന്ന സ്കോറിലെത്തിയപ്പോൾ മറുപടിക്കിറങ്ങിയ ഡൽഹി 185/6 ലെത്തിയതാണ് സൂപ്പർ ഒാവറിന് വഴി വച്ചത്. സൂപ്പർ ഒാവറിൽ ഡൽഹി ഒരുവിക്കറ്റ് നഷ്ടത്തിൽ 10 റൺസ് നേടിയപ്പോൾ കൊൽക്കത്തയ്ക്ക് ഒരുവിക്കറ്റ് നഷ്ടത്തിൽ ആറ് റൺസേ നേടാനായുള്ളൂ. റബാദയാണ് ഡൽഹിക്ക് വേണ്ടി സൂപ്പർ ഒാവർ എറിഞ്ഞത്.

ഒറ്റ റൺസിന് സെഞ്ച്വറി നഷ്ടമായെങ്കിലും യുവതാരം പൃത്ഥി ഷായുടെ ബാറ്റിംഗ് മികവിലാണ് ഡൽഹി ക്യാപിറ്റൽസ് തുല്യ സ്കോറിലെത്തിയത്. 55 പന്തുകളിൽ 12 ഫോറും 3 സിക്സുമടക്കം 99 റൺസെടുത്ത ഷാ 19-ാം ഒാവറിലാണ് പുറത്തായത്. നായകൻ ശ്രേയസ് അയ്യർ 32പന്തുകളിൽ 43 റൺസടിച്ച് ഡൽഹിക്ക് കരുത്തായി.എന്നാൽ ഷാ പുറത്തായ ശേഷം അവസാന ഒാവറിൽ ഹനുമ വിഹാരിയും കോളിൻ ഇൻഗ്രാമും ഒൗട്ടായതാണ് ഡൽഹിക്ക് വിനയായത്.

ബാറ്റിംഗ് തകർച്ചയെ നേരിട്ട കൊൽക്കത്ത നൈറ്റ്റൈഡേഴ്സിനെ 185/8 എന്ന സ്കോറിലെത്തിച്ചത് ആന്ദ്രേ റസലിന്റെ പടയോട്ടമാണ്. 28 പന്തുകളിൽ നാലുഫോറും ആറു സിക്സുമടക്കം 62 റൺസടിച്ച റസലും 36 പന്തുകളിൽ 5ഫോറും 2 സിക്സുമടക്കം 50 റൺസടിച്ച നായകൻ ദിനേഷ് കാർത്തിക്കും ചേർന്നാണ് 61/5 എന്ന നിലയിൽ നിന്ന് കൊൽക്കത്തയെ പൊരുതാനുള്ള സ്കോറിലെത്തിച്ചത്.

ടോ​സ് ​ന​ഷ്ട​പ്പെ​ട്ടി​റ​ങ്ങി​യ​ ​കൊ​ൽ​ക്ക​ത്ത​യ്ക്ക് ​ആ​ദ്യ​ ​പ​ത്തോ​വ​റി​നു​ള്ളി​ൽ​ ​ന​ഷ്ട​മാ​യ​ത് ​അ​ഞ്ച് ​വി​ക്ക​റ്റു​ക​ളാ​ണ്.​ ​നാ​ലാം​ ​ഓ​വ​റി​ൽ​ ​നി​ഖി​ൽ​ ​നാ​യ്‌​ക്കി​നെ​ ​(7​)​ ​പു​റ​ത്താ​ക്കി​ ​നേ​പ്പാ​ളി​ ​താ​രം​ ​സ​ന്ദീ​പ് ​ലാ​മി​ചാ​നെ​യാ​ണ് ​കൊ​ൽ​ക്ക​ത്ത​യ്ക്ക് ​ആ​ദ്യ​ ​പ്ര​ഹ​രം​ ​ന​ൽ​കി​യ​ത്.​ ​തു​ട​ർ​ന്ന് ​റ​ബാ​ദ​യും​ ​ഹ​ർ​ഷ​ൽ​ ​പ​ട്ടേ​ലും​ ​ചേ​ർ​ന്ന് ​ബൗ​ളിം​ഗി​ന്റെ​ ​മൂ​ർ​ച്ച​ ​കൂ​ട്ടി.​ ​ആ​റാം​ ​ഓ​വ​റി​ൽ​ ​ഹ​ർ​ഷ​ൽ​ ​ഉ​ത്ത​പ്പ​യെ​ ​(11​)​ ​എ​ൽ.​ബി​യി​ലൂ​ടെ​ ​കൂ​ടാ​രം​ ​ക​യ​റ്റി​യ​പ്പോ​ൾ​ ​തൊ​ട്ട​ടു​ത്ത​ ​ഓ​വ​റി​ൽ​ ​റ​ബാ​ദ​ ​ക്രി​സ് ലി​ന്നി​നെ​ ​(20​)​ ​മ​ട​ക്കി​ ​അ​യ​ച്ചു.​ ​എ​ട്ടാം​ ​ഓ​വ​റി​ൽ​ ​ഹ​ർ​ഷ​ൽ​ ​നി​തീ​ഷ് ​റാ​ണ​യ്ക്കും​ ​(1​)​ ​മ​ട​ക്ക​ ​ടി​ക്ക​റ്റ് ​ന​ൽ​കി.​ ​ഇ​തോ​ടെ​ ​കൊ​ൽ​ക്ക​ത്ത​ 44​/4​ ​എ​ന്ന​ ​നി​ല​യി​ലാ​യി.​ ​പ​ത്താം​ ​ഓ​വ​റി​ന്റെ​ ​ആ​ദ്യ​ ​പ​ന്തി​ൽ​ ​ശുഭ്​മാ​ൻ​ ​ഗി​ൽ​ ​(4​)​ ​റ​ൺ​ ​ഔ​ട്ടാ​യി.